قازاقستان دۇنيەجۇزىلىك بانكتىڭ ستاتيستيكالىق تيىمدىلىك كورسەتكىشتەرى (SPI) رەيتينگىندە 217 ەلدىڭ ىشىندە 44-ورىنعا يە بولدى.
بۇل - وتكەن جىلمەن سالىستىرعاندا بىردەن 21 پوزيسياعا جوعارى ناتيجە (2023 جىلى – 65-ورىن)، - دەپ حابارلايدى Aqshamnews.kz.
دۇنيەجۇزىلىك بانك جىل سايىن رەسمي تۇردە تانىلعان حالىقارالىق دەرەككوزدەر نەگىزىندە ۇلتتىق، وڭىرلىك جانە جاھاندىق ستاتيستيكالىق جۇيەلەردىڭ تيىمدىلىگىن باعالايتىن SPI رەيتينگىن جاريالايدى. بۇل كورسەتكىش ەلدەردىڭ وزەكتى جانە ساپالى مالىمەتتەردى جيناۋ، وڭدەۋ جانە جاريالاۋ دەڭگەيىن انىقتايدى. باعالاۋ شكالاسى 0-دەن 100 بالعا دەيىن جۇرگىزىلەدى.
وتكەن جىلدىڭ قورىتىندىسى بويىنشا، قازاقستاننىڭ ۇلتتىق ستاتيستيكا جۇيەسى 84،9 بالل جينادى. كورسەتكىشتىڭ وسۋىنە مىنا باعىتتارداعى ايتارلىقتاي ىلگەرىلەۋ اسەر ەتكەن:
– «دەرەكتەردى پايدالانۋ» – +10 بالل
– «دەرەك كوزدەرى» – +10،2 بالل
– «دەرەكتەر ينفراقۇرىلىمى» – +10 بالل
– «دەرەكتەردى ۇسىنۋ قىزمەتتەرى» – +1،1 بالل
SPI-2024 كوشباسشىلارى - نورۆەگيا، شۆەسيا جانە كانادا.