ەرتەڭ، 10 قىركۇيەكتە استانادا فۋتبولدان ەۋرو-2024 چەمپيوناتىنىڭ ىرىكتەۋ ءتۋرنيرىنىڭ ماچى وتەدى. قازاقستان قۇراماسى ءوز الاڭىندا سولتۇستىك يرلانديانى قابىلدايدى، دەپ حابارلايدى Almaty-akshamy.kz Sports.kz پورتالىنا سىلتەمە جاساپ.
قازاقستان-سولتۇستىك يرلانديا ماچىنىڭ تىكەلەي كورسەتىلىمى استانا ۋاقىتىمەن 19.00-دە باستالادى. ويىندى تىكەلەي ەفيردە «Qazsport» تەلەارناسىنان كورۋگە بولادى. قازاقستان قۇراماسىندا بەس ويىننان كەيىن توعىز ۇپاي بار، ال سولتۇستىك يرلانديا بەس ويىننان سوڭ ءۇش ۇپاي جيناعان.
ماگومەد ادييەۆ شاكىرتتەرى كەيىنگى ماچىندا فينليانديا قۇراماسىنان 0:1 ەسەبىمەن جەڭىلسە، سولتۇستىكيرلانديالىق فۋتبولشىلار سىرت الاڭدا سلوۆەنيا كومانداسىنا ەسە جىبەردى – 2:4.