الماتىعا تەل-اۆيۆ-الماتى تىكەلەي اۋە رەيسىمەن يزرايلدەن تۋريستەردىڭ ءبىرىنشى توبى كەلدى. اپتاسىنا ەكى رەت – بەيسەنبى جانە جەكسەنبى كۇندەرى AIRBUS ا321lr اۋە كەمەسىمەن ۇشۋعا بولادى.
تەل-اۆيۆتەن رەيستىڭ ۇزاقتىعى 5 ساعات 50 مينۋت، الماتىدان كەرى رەيستىڭ ۇزاقتىعى – 6 ساعات 45 مينۋت، دەپ حابارلايدى Almaty-akshamy.kz.
جاڭا اۋە قاتىناسىنىڭ اشىلۋىنا وراي، الماتى قالاسىنىڭ تۋريزم باسقارماسى يزرايلدەن كەلگەن قوناقتاردى قالانىڭ جانە ونىڭ اينالاسىنداعى تانىمال كورىكتى جەرلەرمەن تانىستىرۋ ءۇشىن تۋر ۇيىمداستىردى. تۋريستەر «شىمبۇلاق» تاۋ شاڭعى كۋرورتىنا، «مەدەۋ» دەنساۋلىق باسپالداعىنا، شارىن شاتقالىنا، كولساي كولىنە جانە ت.ب. كەرەمەت ورىندارعا بارادى.
«الماتى-تەل-اۆيۆ» باعىتى بويىنشا جاڭا اۆيارەيستىڭ اشىلۋى قالامىزدىڭ تۋريستىك الەۋەتىن ارتتىرادى، سونىمەن قاتار، ەكى مەملەكەت اراسىنداعى ساۋدا-ەكونوميكالىق جانە مادەني بايلانىستاردى نىعايتۋعا مۇمكىندىك بەرەدى. قابىلدانعان شارالار نەگىزىندە تۋريستىك دەستيناسيا رەتىندە الماتىعا دەگەن قىزىعۋشىلىق كۇننەن كۇنگە ارتىپ كەلەدى، ءبىز بۇل جۇمىستى جالعاستىرامىز»، - دەدى الماتى قالاسى تۋريزم باسقارماسىنىڭ باسشىسى عاليا توقسەيىتوۆا.
ايتا كەتەيىك، پاندەميا اياقتالعاسىن الماتىعا تۋريستەر كوپتەپ كەلە باستادى. بيىل ءبىرىنشى جارتىجىلدىقتا مەگاپوليسكە 972 مىڭنان استام ادام كەلدى، ونىڭ 710 مىڭنان استامى – ىشكى تۋريستەر، 261 مىڭنان استامى – شەتەلدىكتەر.