قازاقستاندىق «بارىس» كومانداسى قۇرلىقتىق حوككەي ليگاسىنداعى ءتورتىنشى ويىنىن رەسەيدە «اۆانگارد» (ومبى) كومانداسىنا قارسى وتكىزەدى، دەپ حابارلايدى Almaty-akshamy.kz.
كەزدەسۋ بۇگىن، 9 قىركۇيەكتە 17:00-دە باستالىپ، «Qazsport» تەلەارناسىنان تىكەلەي ەفيردە كورسەتىلەدى.
ەكى كوماندا بۇعان دەيىن 72 مارتە كەزدەستى. ونىڭ 25ء-ى ەلوردالىق كلۋبتىڭ باسىمدىعىمەن اياقتالسا، قالعانىندا رەسەيلىك كوماندا جەڭىسكە جەتتى.
ەكى كوماندا بۇدان بۇرىن 23 تامىزدا بلينوۆ تۋرنيرىندە كەزدەستى. بۇل ويىندا «بارىس» 4:3 ەسەبىمەن باسىم ءتۇستى.
ايتا كەتسەك، ەلوردالىق كلۋب قۇرلىقتىق حوككەي ليگاسىنداعى بۇدان بۇرىنعى ءۇش كەزدەسۋىندە دە قارسىلاستارىنا ەسە جىبەردى.
اتالعان كەزدەسۋدەن كەيىن ەلوردالىق كلۋب 11 قىركۇيەكتە سىرت ايدىندا رەسەيلىك «دينامو» (ماسكەۋ) كلۋبتارىمەن شەبەرلىك بايقاسادى.
ال ەلوردادا 16 قىركۇيەكتە رەسەيدىڭ «ادميرال»، 18 قىركۇيەكتە «نەفتەحيميك» كوماندالارىن قابىلدايدى.