قازاقستان رەسپۋبليكاسى سىرتقى ىستەر ءمينيسترىنىڭ ورىنباسارى ەرمۇحامبەت قونىسبايەۆ حالىقارالىق ارالدى قۇتقارۋ قورى (حاقق) اتقارۋشى كوميتەتىنىڭ ءتوراعاسى اسحات ورازبايمەن كەزدەسۋ وتكىزدى.
كەزدەسۋ بارىسىندا تاراپتار قازاقستان ءتوراعالىعىنىڭ ءبىرىنشى جىلىنىڭ قورىتىندىلارىن، اتقارۋشى كوميتەتىنىڭ جۇمىسىن، سونداي-اق ۇيىمنىڭ كۇن تارتىبىندەگى وزەكتى ماسەلەلەردى تالقىلادى.
ارال تەڭىزى باسسەينى ەلدەرىنىڭ وڭىرلىك دامۋىنىڭ سۋ شارۋاشىلىعى، سۋ-ەنەرگەتيكالىق جانە ەكولوگيالىق اسپەكتىلەرىن رەتتەۋدەگى قوردىڭ ماڭىزدى ءرولى اتالىپ ءوتتى.
تاراپتار 2023 جىلعى قىركۇيەكتە دۋشانبەدە وتكەن حاقق ءسامميتىنىڭ قورىتىندىسى بويىنشا مەملەكەت باسشىلارى قويعان مىندەتتەر مەن تاپسىرمالاردى شەشۋ، ۇيىمدى جەتىلدىرۋ پروسەسسىن تەز ارادا اياقتاۋعا جاردەمدەسۋ ءۇشىن بارلىق كۇش-جىگەرىن جۇمساۋدى جالعاستىرۋعا، سونداي-اق بەلسەندى ءوزارا ءىس-قيمىل جاساۋعا كەلىستى.
اتقارۋشى كوميتەتىنىڭ ءتوراعاسى ءوز كەزەگىندە قازاقستاننىڭ ءتوراعالىق ەتۋ باسىمدىقتارىن ىلگەرىلەتۋ، وڭىرلىك ەكولوگيالىق جوبالار مەن باعدارلامالاردى ىسكە اسىرۋ، سونداي-اق حاقق-تىڭ حالىقارالىق بايلانىستارىن كەڭەيتۋ بارىسى تۋرالى حاباردار ەتتى.