ساۋد ارابياسىنىڭ قاسيەتتى مەككە جانە ءمادينا قالالارىنداعى قاتتى جاۋىن-شاشىن سۋ تاسقىنىن تۋعىزىپ، ۇلكەن اپاتقا اينالدى، دەپ حابارلايدى aqshamnews.kz.
«مەتەورولوگيالىق باسقارما مەككە، ءمادينا جانە دجيددا قالالارى ءۇشىن «قىزىل» دەڭگەيلى ءقاۋىپ جاريالادى. الەۋمەتتىك جەلىلەردە تارالعان بەينەماتەريالداردان قالالاردىڭ كوشەلەرى وزەنگە اينالعانىن كورۋگە بولادى. كوپتەگەن كولىك سۋ استىندا قالىپ، كۇشتى اعىندار كولىكتەردى اعىزىپ اكەتىپ جاتتى»، — دەپ جازادى باسىلىم.
كەيبىر كولىكتەر مەن تۋريستىك اۆتوبۋستار جولدىڭ ورتاسىنا تاستالعان. ۇلكەن سۋ اعىندارى ادەتتە قۇرعاق بولاتىن تاستى ايماقتار ارقىلى تومەنگە ءتۇسىپ، جولىنداعى اعاشتاردى، قالدىقتاردى، ءتىپتى ينفراقۇرىلىم نىساندارىن شايىپ كەتكەن.
«بۇل ايماقتا جاۋىن-شاشىن قىس مەزگىلىندە ءجيى بولادى. دەگەنمەن، مەككە مەن باسقا قالالارداعى كاناليزاسيا جۇيەلەرىنىڭ السىزدىگى مۇنداي جاعدايلارعا دايىندىقتىڭ جەتكىلىكسىز ەكەنىن كورسەتتى. ساۋد ارابياسىنىڭ كەيبىر ايماقتارىندا ساۋلەتشىلەر حح عاسىردىڭ سوڭىندا ايماقتىڭ تەز دامۋىنا بايلانىستى نوسەر جاڭبىردىڭ جيىلەۋىن بولجاي المادى»، — دەپ جازىلعان ماتەريالدا.