قازاقستان رەسپۋبليكاسى پرەمەر-مينيسترىنىڭ ورىنباسارى – سىرتقى ىستەر ءمينيسترى مۇرات نۇرتىلەۋ ۇلىبريتانيا جانە سولتۇستىك يرلانديا قۇراما كورولدىگىنىڭ قازاقستان رەسپۋبليكاسىنداعى ەلشىسى كەتي ءليچتى قابىلدادى.
كەزدەسۋ بارىسىندا قازاقستان مەن ۇلىبريتانيا اراسىنداعى ساياسي، ساۋدا-ەكونوميكالىق جانە مادەني-گۋمانيتارلىق ىنتىماقتاستىقتى دامىتۋ مۇمكىندىكتەرى تالقىلانىپ، جوعارى دەڭگەيدەگى ساپارلار مەن ءىس-شارالار كەستەسى قاراستىرىلدى، دەپ حابارلايدى Almaty-akshamy.kz ءسىم سايتىنا سىلتەمە جاساپ.
ەكىجاقتى ىنتىماقتاستىقتىڭ شارتتىق-قۇقىقتىق بازاسىن كەڭەيتۋ ماسەلەسىنە ەرەكشە نازار اۋدارىلدى. تاراپتار، اتاپ ايتقاندا، قازاقستان مەن ۇلىبريتانيا اراسىنداعى ستراتەگيالىق سەرىكتەستىك جانە ىنتىماقتاستىق تۋرالى كەلىسىمگە تەزىرەك قول قويۋدىڭ ماڭىزدىلىعىن اتاپ ءوتتى.
سونىمەن قاتار، تاراپتار عىلىم جانە ءبىلىم سالاسىنداعى ارىپتەستىكتىڭ جوعارى الەۋەتىنە توقتالىپ، بىرلەسكەن جوبالاردى جۇزەگە اسىرۋعا ورتاق قىزىعۋشىلىقتى راستادى.