ەلىمىزدە جىل باسىنان بەرى تەمىرجولدى بەلگىلەنبەگەن جەردەن كەسىپ وتكەنى ءۇشىن 11 مىڭنان استام ازامات اكىمشىلىك جاۋاپكەرشىلىككە تارتىلدى.
وسى جىلدىڭ ءبىرىنشى توقسانىندا كولىكتەگى پوليسيا دەپارتامەنتىنىڭ قىزمەتكەرلەرى بەلگىلەنبەگەن جەردەن تەمىرجولدى كەسىپ وتكەنى ءۇشىن 11 417 ادامدى انىقتاپ، اكىمشىلىك جاۋاپكەرشىلىككە تارتتى. پويىزداردىڭ شۇعىل تەجەلۋىنىڭ 517 فاكتىسى تىركەلدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
سونداي-اق وسى كەزەڭدە ەلىمىز بويىنشا پويىز استىنا 24 ازامات تۇسكەن بولسا، ونىڭ 13ء-ى ولىممەن اياقتالدى، 11ء-ى ءتۇرلى جاراقات الدى. ماسەلەن، وتكەن تاۋلىك ىشىندە ەكى ادام پويىز استىنا ءتۇسىپ كەتە جازدادى. بۇل فاكتىلەر اقتوبە جانە تۇركىستان وبلىستارىندا تىركەلدى. ابىروي بولعاندا، بارلىق جاعدايدا پويىز ماشينيستەرى جىلجىمالى قۇرامدى توقتاتۋعا ۇلگەرىپ، قايعىلى جاعدايدىن الدىن الدى. جوعارىدا كورسەتىلگەن فاكتىلەر بويىنشا ەكى قۇقىق بۇزۋشى بەلگiلەنبەگەن جەرلەردە تەمiرجول ارقىلى وتكەنى ءۇشىن اكىمشىلىك جاۋاپكەرشىلىككە تارتىلدى. جازاتايىم وقيعالاردىڭ الدىن الۋ جانە جولىن كەسۋ ماقساتىندا كولىك پوليسەيلەرى حالىقپەن، جولاۋشىلار پويىزدارىندا جانە وقۋ ورىندارىندا تۇراقتى نەگىزدە پروفيلاكتيكالىق سيپاتتاعى جۇمىستار جۇرگىزىلىپ جاتىر.
بارلىق ءىس-شارادا تەمىرجول كولىگى وبەكتىلەرىندە بولعان كەزدە نەگىزگى قاۋىپسىزدىك ەرەجەلەرى جەتكىزىلەدى. قابىلدانىپ جاتقان شارالاردىڭ ناتيجەسىندە دەپارتامەنتتە جىلجىمالى قۇرامنىڭ بالالاردى قاعىپ كەتۋدىڭ بىردە-بىر فاكتىسى تىركەلگەن جوق. كولىك پوليسەيلەرى ازاماتتارعا تەمىر جولدا مۇقيات بولۋ كەرەكتىگىن ەسكەرتەدى. تەمىر جولداردى تەك ارنايى جابدىقتالعان ورىنداردان ءوتۋ قاجەت.