قازاقستان رەسپۋبليكاسى پرەمەر-مينيسترىنىڭ ورىنباسارى – سىرتقى ىستەر ءمينيسترى مۇرات نۇرتىلەۋ ەۋروپاداعى قاۋىپسىزدىك جانە ىنتىماقتاستىق ۇيىمىنىڭ (ەقىۇ) سىرتقى ىستەر مينيسترلەرى كەڭەسىنىڭ 31ء-شى وتىرىسىنىڭ شەڭبەرىندە ارمەنيانىڭ Cىرتقى ىستەر ءمينيسترى ارارات ميرزويانمەن، اۋستريانىڭ سىرتقى ىستەر ءمينيسترى الەكساندر شاللەنبەرگپەن، كيپردىڭ سىرتقى ىستەر ءمينيسترى كونستانتينوس كومبوسپەن جانە ەۋروپالىق وداقتىڭ سىرتقى ىستەر جانە قاۋىپسىزدىك ساياساتى جونىندەگى وكىلى كايا كاللاسپەن كەزدەسۋلەر وتكىزدى، دەپ حابارلايدى aqshamnews.kz سىرتقى ىستەر مينيسترلىگىنە سىلتەمە جاساپ.
كەلىسسوزدەر بارىسىندا ساياسي ديالوگتى تەرەڭدەتۋ، ءوزارا ساۋدا كولەمىن ارتتىرۋ جانە مادەني-گۋمانيتارلىق ىنتىماقتاستىقتى دامىتۋ بويىنشا ەكىجاقتى ءوزارا ءىس-قيمىلدىڭ باسىم ماسەلەلەرى تالقىلاندى. تاراپتار ورنىقتى دامۋ مەن ءوزارا ءتيىمدى ىنتىماقتاستىققا باعىتتالعان ەكونوميكالىق ارىپتەستىكتى ودان ءارى نىعايتۋدىڭ ماڭىزدىلىعىن اتاپ ءوتتى.
كەزدەسۋدە ك.كاللاس مەملەكەت باسشىسى قاسىم-جومارت توقايەۆتىڭ باستاماسىمەن ەلىمىزدە جۇرگىزىلىپ جاتقان جانە ەل ازاماتتارىنىڭ ءال-اۋقاتىن ارتتىرۋعا باعىتتالعان ساياسي جانە الەۋمەتتىك-ەكونوميكالىق رەفورمالارعا ەۋروپالىق وداق تاراپىنان بەرىك قولداۋىن راستادى.
ءوز تاراپىنان مينيستر م.نۇرتىلەۋ قازاقستان مەن ەۋروپالىق وداق جانە ونىڭ مۇشە مەملەكەتتەرى اراسىنداعى كەڭەيتىلگەن ارىپتەستىك پەن ىنتىماقتاستىق تۋرالى كەلىسىم شەڭبەرىندە ءوزارا ءتيىمدى كوپجاقتى قازاقستان-ەۋروپا قاتىناستارىن ودان ءارى دامىتۋعا دايىن ەكەنىن ءبىلدىردى
كەزدەسۋلەردىڭ قورىتىندىسى تاراپتاردىڭ ستراتەگيالىق ارىپتەستىكتى نىعايتۋعا جانە وزەكتى سىن-قاتەرلەر بويىنشا شەشىمدەردى بىرلەسىپ ىزدەۋگە دەگەن ءوزارا قىزىعۋشىلىعىن راستادى.