«قازاقستان» شاحتاسى اۋماعىندا بولعان كەنشى ولىمىنە قاتىستى تەرگەۋ باستالدى.
جۇمىسشىنىڭ ءمايىتى ترانسفورماتوردىڭ جانىنان تابىلعان. 24 جاستاعى جىگىتتىڭ ناقتى قانداي جاعدايدا قازا بولعانى ازىرگە بەلگىسىز، دەپ حابارلايدى Almaty-akshamy.kz.
كومپانيا بۇل تۋرالى اقپارات بەرۋگە اسىعار ەمەس. شاحتا باسشىلىعى جۇمىس كەستەسىنە سايكەس 6 قاراشا – مارقۇم كەنشىنىڭ دەمالىس كۇنى بولعانىن عانا جاريا ەتتى. ءقازىر جۇمباق ءولىمنىڭ ءمان-جايى انىقتالىپ جاتىر. پوليسيا تەرگەۋ جۇمىستارىن باستاپ كەتتى.
ەسكە سالايىق، 3 قاراشادا قاراعاندىداعى لەنين اتىنداعى شاحتادا گاز جارىلىسى بولىپ، 5 ادام قازا تاپقان ەدى. تاعى 4 كەنشى اۋرۋحاناعا تۇسكەن.
«6 قاراشا كۇنى قازاقستان شاحتاسىنىڭ ورتاسىندا ورنالاسقان توق ترانسفورماتىنىڭ جانىندا 24 جاستاعى ازاماتتىڭ ءمايىتى تابىلدى. اتالعان دەرەك پوليسيادا تىركەلدى. قازىرگى ۋاقىتتا ءتيىستى ساراپتامالار تاعايىندالدى. قورتىندىسى بويىنشا ناقتى پروسەسسۋالدى شەشىم قابىلداناتىن بولادى»، - دەدى قاراعاندى وبلىستىق پوليسيا دەپارتامەنتىنىڭ باسپا ءسوز حاتشىسى باقىتجان قۇدياروۆ.