قازاقستاندا رەزەڭكە جانە پلاستماسسا بۇيىمدارىن وندىرۋگە باعىتتالعان ينۆەستيسيالىق جوبالار قارقىندى دامىپ كەلەدى.
بۇل سالا وڭدەۋشى ونەركاسىپتى دامىتۋدا جانە قوسىلعان قۇنى جوعارى جاڭا وندىرىستىك تىزبەكتەردى قالىپتاستىرۋدا ماڭىزدى باعىتتاردىڭ ءبىرى رەتىندە قاراستىرىلۋدا، - دەپ حابارلايدى Aqshamnews.kz.
بيىل رەزەڭكە جانە پلاستماسسا بۇيىمدارىن ءوندىرۋ بويىنشا جەتى جوبا ىسكە قوسىلدى. «QazIndustry» اق جوبالاردى ىسكە اسىرۋعا مونيتورينگ جۇرگىزۋ جانە تالداۋ ديرەكسياسىنىڭ دەرەكتەرىنە سايكەس، جوبالارعا سالىنعان ينۆەستيسيا كولەمى 14،6 ملرد تەڭگەنى قۇرادى، ناتيجەسىندە 200-دەن استام تۇراقتى جۇمىس ورنى اشىلدى. اتاپ ايتقاندا، پوليمەرلى ءۇلدىر (پلەنكا)، ۆاكۋۋمدىق جانە تاعامدىق قاپتامالار، تامشىلاتىپ سۋارۋ لەنتالارى، فيتينگتەر جانە پۆح-دان جاسالعان قاپتاما قۇبىرلار ءوندىرىسى جولعا قويىلدى.
بۇدان بولەك، قازىرگى ۋاقىتتا ىسكە اسىرۋدىڭ ءارتۇرلى كەزەڭدەرىندە جالپى ينۆەستيسيا كولەمى 46،9 ملرد تەڭگەدەن اساتىن 19 جوبا بار. ولاردىڭ قاتارىندا گەومەمبرانا مەن گەوسينتەتيكا، كەڭسەگە ارنالعان پلاستيكالىق تاۋارلار، تەرەزە جابىندارى، قۇبىرلار مەن شلانگتار، پلاستيكالىق ىدىس-اياق جانە وزگە دە ونىمدەر ءوندىرىسى بار. اتالعان جوبالاردى جۇزەگە اسىرۋ ناتيجەسىندە 900-دەن استام تۇراقتى جۇمىس ورنى اشىلادى، ونىڭ ىشىندە 250-گە جۋىعى اۋىلدىق جەرلەردەگى ازاماتتاردى جۇمىسپەن قامتاماسىز ەتۋگە مۇمكىندىك بەرەدى.
سونىمەن قاتار، جۇمساق قاپتاما، ببپپ-پلەنكاسى، پەت-پرەفورما، ەۆروپوددون، قوقىس جاشىكتەرى جانە وزگە دە تاۋارلار وندىرىسىنە باعىتتالعان تاعى 13 جوبا پىسىقتاۋ كەزەڭىندە تۇر. جوسپارلانعان ينۆەستيسيالاردىڭ جالپى كولەمى 265،2 ملرد تەڭگەنى قۇرايدى، اتالعان جوبالار اياسىندا 1،7 مىڭ جاڭا جۇمىس ورنىن اشۋ كوزدەلىپ وتىر.
وسىلايشا، قازاقستاندا رەزەڭكە جانە پلاستماسسا بۇيىمدارى ءوندىرىسىنىڭ ءوسۋى پوليمەر ونەركاسىبىندەگى جوعارى تەحنولوگيالى باعىتتاردىڭ دامۋىنا سەرپىن بەرىپ، قاپتاما سالاسىنا ارنالعان جارتىلاي فابريكاتتار شىعارۋدى ارتتىرۋعا، قۇرىلىس ماتەريالدارىنىڭ وتاندىق بازاسىن نىعايتۋعا جانە قۇرامداس بولشەكتەر يمپورتىنا تاۋەلدىلىكتى ازايتۋعا ىقپال ەتەدى.
جالپى، سالاداعى اعىمداعى 39 جانە الداعى ۋاقىتتارداعى جوبالار بويىنشا شامامەن 2،8 مىڭ جاڭا جۇمىس ورنىن اشىلىپ، 362،7 ملرد تەڭگە كولەمىندە ينۆەستيسيا تارتۋ جوسپارلانىپ وتىر.