الماتىدا بازاردا جۇمىس ىستەيتىن NEET ساناتىنداعى جاستار اراسىندا «جاستار CUP – 2025» سپورتتىق ءتۋرنيرى ءوتتى.
جارىس الماتى قالاسى جاستار ساياساتى باسقارماسىنىڭ باستاماسىمەن ۇيىمداستىرىلدى، - دەپ حابارلايدى Aqshamnews.kz.
جوبا جاستار اراسىندا سپورتتى دامىتۋعا، ازاماتتىق بەلسەندىلىكتى ارتتىرۋعا جانە كوماندالىق ءوزارا ءىس-قيمىل ارقىلى الەۋمەتتىك ينتەگراسيانى كۇشەيتۋگە باعىتتالدى. تۋرنير 2025 جىلعى 24 قاراشادا باستالىپ، 15 جەلتوقساندا ءوز مارەسىنە جەتتى. تۋرنيرگە 16 كوماندا قاتىسىپ، جالپى 200-گە جۋىق جاس قامتىلدى.
تۋرنير سالاۋاتتى ءومىر سالتىن ناسيحاتتاۋمەن قاتار، NEET ساناتىنداعى جاستاردى قوسا العاندا، جاستاردىڭ الەۋمەتتىك بەلسەندىلىگىن ارتتىرۋعا باعىتتالدى. كوماندالىق فورمات پەن باسەكەلەستىك ورتا جاستاردىڭ جاۋاپكەرشىلىك سەزىمىن جانە قوعامعا دەگەن تيەسىلىلىگىن نىعايتتى.
«جاستار ءىس-شارالارى جاستارعا تەك ەموسيا عانا ەمەس، سونىمەن قاتار دامۋ مەن ءوزىن-وزى جۇزەگە اسىرۋ مۇمكىندىكتەرىن ۇسىنۋى ءتيىس. „جاستار CUP – 2025“ — سپورت ارقىلى جاستاردىڭ قالالىق پروسەستەرگە بەلسەندى قاتىسۋىنا جاعداي جاسايتىن، دامۋ مۇمكىندىكتەرىن تاباتىن جانە جالپى ۇدەرىستەگى ماڭىزدىلىعىن سەزىنەتىن فورمات ءتيىمدى فورمات»، - دەدى الماتى قالاسى جاستار ساياساتى باسقارماسىنىڭ باسشىسى ازيز كاجدەنبەك.
سونىمەن قاتار، ءىس-شارا اياسىندا الەۋمەتتىك بلوك ۇيىمداستىرىلىپ، ماچتار كۇندەرى جاستارعا ارنالعان جۇمىسپەن قامتۋ جانە HR كەڭەستەرى، قۇقىقتىق جانە اقپاراتتىق قولداۋ، ءبىلىم بەرۋ جانە قارجىلىق ساۋاتتىلىق باعىتتارى، مەملەكەتتىك قىزمەتتەر باعىتتارى بويىنشا كەڭىستىكتەر جۇمىس ىستەدى.
ءىس-شارا الماتى قالاسىندا جاستاردى جۇمىسپەن قامتۋعا باعىتتالعان جۇيەلى ساياسات اياسىندا ءوتتى. 100-دەن استام قاتىسۋشى جۇمىسقا ورنالاسۋ ماسەلەلەرى بويىنشا، قۇقىقتىق كەڭەستەر جانە ونلاين جانە وفلاين كۋرستارعا قاتىستى ۇسىنىستار الدى. قولدانبالى داعدىلاردى دامىتۋعا ارنالعان «Skill All» وفلاين باعدارلاماسى اياسىندا 20-دان استام ادام كۋرستارعا جازىلدى، ال 10-نان استام قاتىسۋشى الىنعان ءبىلىم مەن مامانداردىڭ ۇسىنىستارىنىڭ ارقاسىندا جۇمىسقا ورنالاستى.
وسىلايشا، «جاستار CUP – 2025» ءتۋرنيرى جاستاردىڭ الەۋمەتتەنۋىنە، كاسىبي باعدارلانۋىنا جانە قالا ومىرىنە بەلسەندى ارالاسۋىنا ىقپال ەتەتىن كەشەندى الاڭعا اينالدى.