2023 جىلعى 29 قازاندا قازاقستان رەسپۋبليكاسىنىڭ 11 وڭىرىندە - اباي، اقتوبە، الماتى، شقو، جامبىل، جەتىسۋ، قاراعاندى، ماڭعىستاۋ، پاۆلودار، سقو وبلىستارىندا جانە الماتى ق. 21 سايلاۋ وكرۋگىنەن ءماسليحاتتاردىڭ شىعىپ قالعان دەپۋتاتتارىنىڭ ورنىنا سايلاۋ ءوتتى.
بارلىعى 2 وبلىستىق، 7 قالالىق جانە 12 اۋداندىق ءماسليحاتتاردىڭ دەپۋتاتتارى سايلاندى، دەپ حابارلايدى Almaty-akshamy.kz.
232 سايلاۋ كوميسسياسى، ونىڭ ىشىندە 10 وبلىستىق، 1 رەسپۋبليكالىق ماڭىزى بار قالا، 5 قالالىق، 13 اۋداندىق، 21 وكرۋگتىك جانە 182 ۋچاسكەلىك سايلاۋ كوميسسيالارى جۇمىلدىرىلدى.
سايلاۋ بيۋللەتەندەرىنە 69 كانديدات ەنگىزىلدى.
ورتاشا باسەكەلەستىك ءبىر دەپۋتاتتىق مانداتقا ۇشتەن استام كانديداتتى قۇرادى. ەڭ ۇلكەن باسەكەلەستىك - الماتى قالاسىنداعى №4 وكرۋگ بويىنشا ءبىر ورىنعا 6 ۇمىتكەر. ەڭ ازى - جەتىسۋ وبلىسى بويىنشا №6، 7، 8، 10 وكرۋگتەر بويىنشا ءبىر ورىنعا 2 ۇمىتكەر.
سايلاۋشىلاردىڭ كەلۋى - 40،25 %.
سايلانعان 21 ءماسليحات دەپۋتاتىنىڭ 15ء-ىن ساياسي پارتيالار ۇسىندى، 6-ى ءوزىن-وزى ۇسىنۋ ارقىلى ۇسىنىلدى. ونىڭ ىشىندە 18 (85،7 %) ەرلەر، 3 (14،3%) ايەلدەر، 3 ۇلت وكىلدەرى.
سايلانعان ءماسليحات دەپۋتاتتارىنىڭ ورتاشا جاسى 43،8 جاستى قۇرايدى.
سايلاۋ ناۋقانى رەسپۋبليكانىڭ سايلاۋ زاڭناماسى نورمالارىنىڭ تالاپتارىنا سايكەس ءوتتى. داۋىس بەرۋ كۇنى بايقاۋدى كانديداتتاردىڭ سەنىم بىلدىرىلگەن ادامدارى، بايقاۋشىلار جانە قازاقستان رەسپۋبليكاسىنىڭ ب ا ق وكىلدەرى، بارلىعى 780-نەن استام ادام جۇزەگە اسىردى.
قازاقستان رەسپۋبليكاسىنىڭ ورتالىق سايلاۋ كوميسسياسى وسى سايلاۋدى ۇيىمداستىرۋ جانە وتكىزۋ كەزىندە اۋماقتىق سايلاۋ كوميسسيالارىنا ادىستەمەلىك باسشىلىقتى، سونداي-اق ولاردىڭ قىزمەتىنىڭ سايلاۋ تۋرالى كونستيتۋسيالىق زاڭ تالاپتارىنا سايكەستىگىن باقىلاۋدى جۇزەگە اسىردى جانە ءوزىنىڭ ينتەرنەت-رەسۋرسىندا 11 وڭىردە 21 سايلاۋ وكرۋگى بويىنشا شىعىپ قالعان دەپۋتاتتاردىڭ ورنىنا سايلاۋ قورىتىندىلارى بويىنشا مىناداي تالدانعان اقپاراتتى ۇسىنادى:
- اباي وبلىسى
- اقتوبە وبلىسى
- الماتى وبلىسى
- الماتى قالاسى
- شىعىس-قازاقستان وبلىسى
- جامبىل وبلىسى
- جەتىسۋ وبلىسى
- قاراعاندى وبلىسى
- ماڭعىستاۋ وبلىسى
- پاۆلودار وبلىسى
- سولتۇستىك قازاقستان وبلىسى