ءقازىر كورشى ەلمەن كوگىلدىر وتىننىڭ باعاسى كەلىسىلىپ جاتىر.
كورشى ەلدەن قىتايعا قازاقستان اۋماعى ارقىلى جىلىنا شامامەن 35 ملرد تەكشە مەتر گاز تاسىمالدانباق، دەپ حابارلايدى Almaty-akshamy.kz
قازاقستان ىشكى نارىقتى قامتاماسىز ەتۋ ءۇشىن رەسەيدەن گاز ساتىپ الادى. بۇل تۋرالى قازاقستاننىڭ رەسەيدەگى ەلشىسى داۋرەن ابايەۆ تاسس اگەنتتىگىنە مالىمدەدى.
ول بىلتىر كۇزدەن بەرى رەسەيدىڭ گازى قازاقستان اۋماعى ارقىلى وزبەكستانعا تاسىمالدانىپ جاتقانىن ەسكە سالدى.
"ءبىز شىنىمەن دە گازعا مۇقتاجبىز. قازاقستان ءوز اۋماعىن ترانزيت ءۇشىن پايدالانادى. ءبىز ترانزيتتىك الەۋەتىمىزدەن بارىنشا پايدا كورگىمىز كەلەدى. جول كارتاسىنا قول قويىلدى. قىتايعا جەتكىزىلەتىن 35 ملرد تەكشە مەتر گاز تۋرالى ءسوز بولىپ وتىر. بۇل قازاقستاننىڭ شىعىس جانە سولتۇستىك-شىعىس وڭىرلەرىن گازداندىرۋعا مۇمكىندىك بەرەدى. سول سەبەپتى ءبىز الگى ۋاعدالاستىقتاردىڭ ءبارىن قۇپتايمىز جانە جوبالاردىڭ جۇزەگە اسقانىنا قۋانامىز»، - دەدى ابايەۆ.