ءمينيستردىڭ چەللەندجى

ايدا بالايەۆا بۇل تۋرالى Facebook-تەگى پاراقشاسىندا جازدى.

ق ر مادەنيەت جانە اقپارات ءمينيسترى ايدا بالايەۆا ءوز ارىپتەستەرىن "اۋىل كىتاپحانالارىنا 100 كىتاپ" اتتى اكسياعا قاتىسۋعا شاقىردى، دەپ حابارلايدى Almaty-akshamy.kz

"مەملەكەت باسشىسى ۇلتتىق قۇرىلتايدا كىتاپ ماسەلەسىنە ەرەكشە توقتالىپ وتكەنى بەلگىلى. پرەزيدەنت ءوز سوزىندە: "شىن مانىندە كىتاپ وقيتىن ەل زيالى ۇلتقا اينالادى. ءبىز جاس ۇرپاقتىڭ كىتاپقا قۇشتارلىعىن وياتۋىمىز كەرەك" دەگەن بولاتىن. وسى ورايدا، "اۋىل كىتاپحانالارىنا 100 كىتاپ" اتتى اكسيا باستادىق"، دەدى ايدا بالايەۆا.

مينيستر جەكەلەي ءوزى اباي قۇنانباي ۇلىنىڭ اۋىلى قاراۋىلعا جانە قانىش ساتبايەۆتىڭ اۋىلى باياناۋىلعا جانە ءوز تۋعان اۋىلىنا الەم جانە قازاق ادەبيەتىنىڭ ۇزدىك شىعارمالارىن، تانىمدىق-اعارتۋشىلىق ادەبيەتتەردى تارتۋ ەتكەنىن اتاپ ءوتتى.

"بۇل اكسيانى وزگە دە ارىپتەستەرىم، مينيسترلەر قولداپ، ءقازىردىڭ وزىندە بىرنەشە اۋىلعا كىتاپ جەتكىزىپ ۇلگەردى. ماسەلەن، ىشكى ىستەر ءمينيسترى ەرجان ساپاربەك ۇلى، اۋىل شارۋاشىلىعى ءمينيسترى ايداربەك سەيپىل ۇلى، ەڭبەك جانە حالىقتى الەۋمەتتىك قورعاۋ ءمينيسترى سۆەتلانا قابىكەن قىزى، سيفرلىق دامۋ، يننوۆاسيالار جانە اەروعارىش ونەركاسىبى ءمينيسترى بولعان باعدات باتىربەك ۇلى جەكە اتسالىسىپ، ەلىمىزدىڭ ءبىرقاتار وڭىرىندەگى اۋىل كىتاپحانالارىنا 100 كىتاپتان تابىس ەتۋدە"، دەپ جازدى مينيستر.