رەسەي كاپيتالى
مەملەكەت باسشىسى قاسىم-جومارت توقايەۆ رەسەي فەدەراسياسىنىڭ پرەزيدەنتىمەن كەلىسسوز بارىسىندا ماسكەۋگە بۇل جولعى ساپارىنىڭ ماقساتى تۋرالى ايتىپ ءوتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«قارىم-قاتىناسىمىزدى ءارى قاراي جىلجىتۋعا سالماقتى نەگىزدەر بار دەپ توپشىلايمىن. ەلدەرىمىز اراسىنداعى ساۋدا كولەمى، پاندەميامەن بايلانىستى بۇكىل قيىندىقتارعا قاراماستان 24 ملرد دوللارعا جەتتى. رەسەي كاپيتالىنىڭ ءبىزدىڭ ەلىمىزدەگى جوسپارى وتە اۋقىمدى. مەن، مەملەكەت باسشىسى رەتىندە جانە ءبىزدىڭ ۇكىمەت وسى قاتىناس ەكى جاققا دا ءتيىمدى باعىتپەن تۇراقتى نەگىزدە ورنىعۋىنا بۇكىل مۇمكىندىكتەر جاسايمىز. ارىپتەستىك ورناتىلعان سالالاردىڭ ءبارىن تىزبەلەپ اتاۋدىڭ قاجەتى جوق دەپ ويلايمىن. حالىقارالىق ارىپتەستىكتە بار بايلانىستىڭ ءبارى ەكىجاقتى ارىپتەستىگىمىزدە كورىنىس تاپقان. ەلدەرىمىزدىڭ اراسىنداعى ارىپتەستىكتىڭ دامۋىنا كوڭىل تولاتىنداي نەگىز بار. دەي تۇرعانمەن، ءاردايىم العا قاراپ، بەت تۇزەۋىمىز كەرەك. بۇل جەرگە سول ءۇشىن دە كەلىپ وتىرمىن»، - دەدى پرەزيدەنت.
ايتا كەتەيىك، كەلىسسوز الدىندا مەملەكەت باسشىسى رەسەي ءوڭىرارالىق ىنتىماقتاستىق فورۋمىنىڭ XVIII جالپى وتىرىسىنا بەينەكونفەرەنسيا فورماتىندا قاتىستى.