قاراشا ايىندا ماگيستراتۋراعا تۇسۋگە ارنالعان كەشەندى تەستىلەۋگە 9 مىڭنان استام ءوتىنىش قابىلداندى
4 مىڭنان استام ادام ماگيستراتۋراعا تۇسۋگە ارنالعان كەشەندى تەستىلەۋدەن ءوتىپ جاتىر. بۇل تۋرالى Almaty-akshamy.kz ۇلتتىق تەستىلەۋ ورتالىعىنا سىلتەمە جاساپ حابارلايدى.
كەشەندى تەستىلەۋدى تاپسىرۋعا ءوتىنىش قابىلداۋ 1-18 قاراشا ارالىعىندا ق ر عجبم ۇلتتىق تەستىلەۋ ورتالىعىنىڭ سايتىندا app.testcenter.kz جۇزەگە اسىرىلدى.
قاراشا ايىندا ماگيستراتۋراعا تۇسۋگە ارنالعان كەشەندى تەستىلەۋگە 9 مىڭنان استام ءوتىنىش قابىلداندى. ەمتيحان بۇگىن باستالىپ، 1 جەلتوقسانعا دەيىن (قوسا العاندا) جالعاسادى.
ماگيستراتۋراعا ءتۇسۋ فورماتىنا كەلەتىن بولساق، بيىل ەشقانداي وزگەرىس جوق. سونداي-اق ونلاين-اپەللياسيا بەرۋگە بولادى. تەحنيكالىق اقاۋلىقتار تۋىنداعان جاعدايدا وقۋعا تاپسىرۋشى اپەللياسياعا تەستىلەۋ كەزىندە، ال تەستىلەۋ ناتيجەلەرىمەن كەلىسپەگەن جاعدايدا ەمتيحان اياقتالعاننان كەيىن 30 مينۋت ىشىندە بەرەدى. اپەللياسيا قاراستىرىلعان سوڭ سەرتيفيكات وقۋعا ءتۇسۋشىنىڭ جەكە كابينەتىندە قولجەتىمدى بولادى.
«عىلىمي-پەداگوگيكالىق سالا بويىنشا ماگيستراتۋراعا تۇسۋگە ارنالعان كەشەندى تەستىلەۋ ءۇش بولىمنەن تۇرادى: شەت ءتىلى بويىنشا تەست، وقۋعا دايىندىعىن انىقتاۋعا ارنالعان تەست جانە ءبىلىم بەرۋ باعدارلامالارى توبىنىڭ بەيىنى بويىنشا تەست. شەت ءتىلىن مەڭگەرگەنىن راستايتىن حالىقارالىق سەرتيفيكاتتارى بار وقۋعا تۇسۋشىلەر شەت ءتىلى بويىنشا تەست تاپسىرۋدان بوساتىلادى»، – دەدى ۇلتتىق تەستىلەۋ ورتالىعىنىڭ ديرەكتورى رۋسلان ەمەلبايەۆ.
شەتكى بالدار وزگەرىسسىز قالدى: عىلىمي-پەداگوگيكالىق ماگيستراتۋراعا ءتۇسۋ ءۇشىن 75 بالل، بەيىندىك ماگيستراتۋراعا ءتۇسۋ ءۇشىن 50 بالل جيناۋ قاجەت.
جازداعى تەستىلەۋدە ەرەجەنى بۇزعانى ءۇشىن تەستىلەۋگە جىبەرىلمەگەن، سونداي-اق ناتيجەلەرى جويىلعان تۇلعالار كەشەندى تەستىلەۋگە قايتا قاتىسۋعا جىبەرىلمەيتىنىن اتاپ وتكەن ءجون.
ماگيستراتۋراعا تۇسۋشىلەر 4 مىڭعا جۋىق مەملەكەتتىك ءبىلىم گرانتىنا ۇمىتكەر بولا الادى.