بالالار قالالىق كلينيكالىق جۇقپالى اۋرۋلار اۋرۋحاناسىنا جۇكتەمە ارتتى
الەۋمەتتىك جەلىدە الماتىلىقتار بالالار قالالىق كلينيكالىق جۇقپالى اۋرۋلار اۋرۋحاناسىندا ايەلدەر مەن ەرلەر بالالارىمەن ءبىر پالاتادا جاتقانىن ايتىپ شاعىمداندى، دەپ حابارلايدى Almaty-akshamy.kz.
جەلى قولدانۋشىلاردىڭ ايتۋىنشا، الماتى بالالار قالالىق كلينيكالىق جۇقپالى اۋرۋلار اۋرۋحاناسىندا بوس پالاتالار بولا تۇرا، ايەلدەر مەن ەرلەر بالالارىمەن ءبىر پالاتادا جاتىر. وسى جاعدايعا بايلانىستى اتالعان اۋرۋحانانىڭ دارىگەر-ساراپشىسى فاريدا عابباسوۆا تۇسىنىك بەردى.
دارىگەردىڭ سوزىنشە، سوڭعى ۋاقىتتا بالالار قالالىق كلينيكالىق جۇقپالى اۋرۋلار اۋرۋحاناسىنا جۇكتەمە ارتتى.
اۋرۋحانا تاۋلىك بويى پاسيەنتتەردى قابىلدايدى، تاۋلىگىنە 300-گە جۋىق بالا جۇگىنەدى. سول پاسەنتتەر قابىلداۋ بولىمشەسى دەڭگەيىندە سۇرىپتالىپ، تەك 25-30%-ى ستاسيونارعا جاتقىزىلادى، ال قالعان ناۋقاستار امبۋلاتوريالىق جاعدايدا، ۇيدە ەمدەلۋگە جىبەرىلەدى.
«وسىعان وراي ەپيدەميولوگيالىق ماۋسىمدا، ياعني جوعارعى تىنىس جولدارىنىڭ اۋرۋلارى ورشىگەن كەزدە، ەر ادامدارعا كۇتىم جاساۋ جونىندەگى جەكە پالاتالاردى بىردەن قامتاماسىز ەتۋ مۇمكىن ەمەس ەكەنىن ايتامىز جانە ناۋقاستار پالاتالارعا اۋرۋدىڭ ءتۇرى بويىنشا، سيكلدىلىقتى ساقتاي وتىرىپ ورنالاستىرىلادى. قازىرگى ەپيدەميولوگيالىق جاعدايدى ەسكەرە وتىرىپ، جەدەل رەسپيراتورلى ينفەكسيا، سەكرەتورلى جانە ءينۆازيۆتى ديارەيالار پروۆيزورلىقلىق بولىمشەلەرگە ۋاقىتشا (كۆي-گە پسر شىققانشا) ورنالاستىرىلادى، كەيبىر پالاتالاردا ورىن بوس بولعانى وسىمەن بايلانىستى (نوزولوگيا جانە سيكلدىلىقتى ساقتاۋ ماقساتىندا). ءبىزدىڭ مەكەمە ءار پاسيەنتكە تۇسىنىستىكپەن قارايدى جانە تۋىنداعان ماسەلەلەردى شەشۋگە كومەكتەسۋگە ءارقاشان دايىن، ءبىرىنشى مۇمكىندىك تۋىنداعان ساتتە ول كىسىلەر بولەك پالاتالارعا ورنالاستىرىلادى»،- دەدى فاريدا عابباسوۆا.