كونستيتۋسيالىق رەفورمالاردىڭ ەڭ باستى ماڭىزى – ساياسي ينستيتۋتتار اراسىنداعى قارىم-قاتىناسقا وپتيمالدى بالانس ورناتۋ.
قازاقستان رەسپۋبليكاسىنىڭ مەملەكەتتىك حاتشىسى ەرلان قارين اتا زاڭىمىزعا قانداي وزگەرىستەر ەنگىزىلەتىنىن ايتىپ، ونىڭ ەل دامۋىنداعى ماڭىزىن ءتۇسىندىردى، دەپ حابارلايدى Almaty-akshamy.kz
ەرلان تىنىمباي ۇلى: كونستيتۋسيالىق رەفورمالاردىڭ ەڭ باستى ماڭىزى – ساياسي ينستيتۋتتار اراسىنداعى قارىم-قاتىناسقا وپتيمالدى بالانس ورناتۋ. مىسالى، پارلامەنتتىڭ ستاتۋسىن ارتتىرۋ، ەسەپ كوميتەتىنىڭ جوعارعى اۋديتورلىق پالاتا بولىپ وزگەرتىلۋى. بۇل پالاتانىڭ ءتوراعاسى جىلىنا 2 رەت پارلامەنت الدىندا ەسەپ بەرەدى. بۇل بيۋدجەتتىڭ يگەرىلۋىن قاداعالاۋ فۋنكسياسىن كۇشەيتۋگە باعىتتالعان.
سونداي-اق مەملەكەتتىك حاتشى كونستيتۋسيالىق سوتتىڭ اتقاراتىن قىزمەتىن ەرەكشە اتاپ ءوتتى. ونىڭ ايتۋىنشا، كونستيتۋسيالىق سوتقا كەز كەلگەن ازامات شاعىمدانا الادى. ادام قۇقىقتارىنا يە ۋاكىل كونستيتۋسيالىق ستاتۋسقا يە. ول قانداي دا ءبىر مەملەكەتتىك ورگانعا تاۋەلدى بولمايدى.
ءسوز سوڭىندا مەملەكەتتىك حاتشى قازاقستاندىقتاردى رەفەرەندۋمعا بەلسەنە قاتىسۋعا شاقىردى.