قازاقستان قىسقى وليمپيادا ويىندارىنا قانشا قاراجات ءبولدى؟

بەيجىڭ وليمپياداسىندا 109 مەدال ساراپقا سالىنادى

«قازاقستان ۇلتتىق وليمپيادا كوميتەتىنىڭ باس حاتشىسى اندرەي كريۋكوۆ اقپان ايىندا وتەتىن XXIV قىسقى وليمپيادا ويىندارىنا قانشا قاراجات بولىنگەنىن ايتتى، دەپ حابارلايدى Almaty-akshamy.kz

«بەيجىڭ وليمپياداسىنا 250 ملن تەڭگەگە جۋىق قاراجات ءبولۋ جوسپارلانعان. الايدا، بۇدان دا از سوما – 220 ملن تەڭگە جۇمسالۋى مۇمكىن، ويتكەنى ۇيىمداستىرۋشىلار دەلەگاسيالارداعى قاتىسۋشىلار سانىن قىسقارتىپ جاتىر»، - دەپ ءتۇسىندىردى اندرەي كريۋكوۆ ورتالىق كوممۋنيكاسيالار قىزمەتىندە وتكەن باسپا ءسوز ءماسليحاتىندا.

ونىڭ ايتۋىنشا، جازعى وليمپيادا قورىتىندىسى بويىنشا سىبايلاس جەمقورلىققا قاتىستى جۇرگىزىلگەن تەكسەرۋلەر ۇوك جۇمىسىندا قاراجاتتى جىمقىرۋ، ماقساتسىز پايدالانۋ جانە وسىعان ۇقساس وقيعالار بولماعانىن كورسەتتى.

«كەيبىر پروسەدۋرالىق بۇزۋشىلىقتار بار جانە بيۋروكراتيالىق تۇستار انىقتالدى جانە سىبايلاس جەمقورلىق سىن-قاتەرلەرىن بولدىرماۋ ءۇشىن بارلىعى رەتتەلدى»، - دەدى ا. كريۋكوۆ.

ايتا كەتەيىك، XXIV قىسقى وليمپيادا ويىندارى قىتايدىڭ بەيجىڭ قالاسىندا، 2022 جىلدىڭ 4 مەن 20 اقپان ارالىعىندا وتەدى. وندا جالپى سانى 109 مەدال ساراپقا سالىنادى.

جارىستار بەيجىڭ قالاسىنان بولەك قاسىنداعى يانسين جانە چجيانسزياكوۋ قالالارىندا دا وتەدى.