بۇل تۋرالى الماتى وڭىرلىك كوممۋنيكاسيالار قىزمەتىنىڭ بريفينگىندە قالانىڭ باس مەملەكەتتىك سانيتارلىق دارىگەرى قارلىعاش ءادبىجابباروۆا مالىمدەدى. سونىمەن قاتار، ول قالا تۇرعىندارىنا ۆاكسينالاۋ مەن ريەۆاكسينالاۋدى ۇسىنادى، دەپ حابارلايدى اlmaty-akshamy.kz
سپيكەر الماتىدا كۆي بويىنشا ەپيدەميولوگيالىق احۋال ناشارلاي تۇسكەنىن، ق ر بويىنشا باعالاۋ ماتريساسىندا قالا «قىزىل» ايماقتىڭ ورتاسىندا ورنالاسقانىن اتاپ ءوتتى.
«دەرتتىڭ تاۋلىكتىك ءوسىمى ارتتى. قاڭتار ايىندا كۆي جۇقتىرۋى: 1-اپتادا – 1025 جاعداي، 2-اپتادا – 6050، 3-اپتادا - 13133، 12،8 ەسە ءوستى»، - دەدى قالانىڭ باس سانيتارلىق دارىگەرى.
ونىڭ ايتۋىنشا، «دەلتا» شتامىنىڭ «وميكرون» شتامىمەن ىعىستىرىلۋىنا بايلانىستى جۇقتىرۋدىڭ كۇرت ءوسۋى بايقالدى. «وميكرون» جۇقتىرعان جاعدايلاردىڭ سانى 22 قاڭتاردا تاۋلىگىنە 2،5 مىڭعا دەيىن بىرتىندەپ ءوستى. ايدىڭ اياعىندا ءۇش مىڭعا دەيىن دەرتتىڭ تاۋلىكتىك تىركەلۋى كۇتىلۋدە.
«وتكەن جىلدىڭ ناۋرىز ايىندا ۆاكسينالاۋ باستالعاننان باستاپ بۇگىنگى كۇنگە دەيىن ۆاكسينالانعانداردىڭ تەك 2،1%-ى كوروناۆيرۋستىق ينفەكسيانى جۇقتىرعان. بۇل فاكت قالا تۇرعىندارىنا ۆاكسينالاۋ مەن ريەۆاكسينالاۋ قارقىنىن كۇشەيتۋدى تالاپ ەتەدى. قالادا يممۋندىق جۇيە 62،4% قۇرايدى»، - دەدى قارلىعاش ءادبىجابباروۆا.
كوبىنەسە 20-39 جاس ارالىعىنداعى ناۋقاستار تىركەلەدى – 40%، 40-59 جاس – 26،7%، 60 جاستان اسقان ادامدار – 19،3%. اۋرۋ جۇقتىرۋ زەينەتكەرلەر اراسىندا – 1،5%-عا، مەكتەپ جاسىنا دەيىنگى بالالار اراسىندا – 0،8%-عا، بانك سالاسىنىڭ قىزمەتكەرلەرى اراسىندا – 0،2%-عا، ۇيىمدار، ج ش س، جك اراسىندا – 0،1%-عا وسكەنى بايقالادى.
«ينفەكسيانىڭ ىقتيمال ورىندارى بويىنشا ينفەكسيانىڭ ءوسۋى مەترودا – 5،5%-عا، سوسو-دا جانە سۇ-دە – 1،3%-عا جانە كۆارتالدار ىشىندەگى ازىق-تۇلىكتىك ەمەس دۇكەندەردە – 0،7%-عا بايقالادى. ينفەكسيا اۆتوبۋستاردا، تروللەيبۋستاردا – 8،5%-عا، Ashyq-قا قاتىسۋشى وبەكتىلەردە - 4،5%-عا، ورامدار ىشىندەگى ازىق-تۇلىك دۇكەندەرىندە – 2،7%-عا تومەندەدى. وتكەن اپتادا نەگىزگى جۇقتىرۋ ورىندارى ساۋدا وبەكتىلەرى – 37،9%، قوعامدىق كولىك – 24،8%، وتباسىلارداعى بايلانىستار – 18،4% جانە بازارلار – 9،6% بولىپ تابىلادى»، - دەپ حابارلادى سپيكەر.