سۋ «دوستىق» مەملەكەتارالىق كانالىنىڭ قازاقستاندىق بولىگىنەن الىنعان.
ەكولوگيا، گەولوگيا جانە تابيعي رەسۋرستار مينيسترلىگىنىڭ سۋ رەسۋرستارى كوميتەتى «قازاقستان رەسپۋبليكاسى ۇكىمەتىنىڭ رەزەرۆىنەن قاراجات ءبولۋ تۋرالى» قاۋلى جوباسىن ازىرلەدى، دەپ حابارلايدى Almaty-akshamy.kz
قۇجاتتا جازىلعانداي، قازاقستان رەسپۋبليكاسى ەكولوگيا، گەولوگيا جانە تابيعي رەسۋرستار مينيسترلىگىنە 2022 جىلعا ارنالعان رەسپۋبليكالىق بيۋدجەتتە كوزدەلگەن قازاقستان رەسپۋبليكاسى ۇكىمەتىنىڭ شۇعىل شىعىندارعا ارنالعان رەزەرۆىنەن 2022 جىلعى ماۋسىم، شىلدە جانە تامىز ايلارىندا «دوستىق» مەملەكەتارالىق كانالىنىڭ قازاقستاندىق بولىگىنەن تۇركىستان وبلىسىنىڭ جەتىساي جانە ماقتاارال اۋداندارىنىڭ اۋىل شارۋاشىلىعى تاۋارلارىن وندىرۋشىلەرىنە بەرىلگەن سۋ ءۇشىن 608 ميلليون 132 مىڭ 980 كيلوۆاتت-ساعات كولەمىندە قىرعىز رەسپۋبليكاسىمەن ەلەكتر ەنەرگياسىنىڭ تاۋار اينالىمى بويىنشا كورسەتىلگەن قىزمەتتەرگە اقى تولەۋ ءۇشىن 1 ملرد 536 ملن 619 مىڭ سوماسىندا قاراجات بولەدى.
قاۋلىدا بۇل شارا سۋارمالى جەرلەردى سۋارمالى سۋمەن ۋاقىتىلى قامتاماسىز ەتۋگە، تۇركىستان وبلىسى جەتىساي جانە ماقتاارال اۋداندارىنىڭ اۋىل شارۋاشىلىعى تاۋار وندىرۋشىلەرىنىڭ ءونىمىن ساقتاۋدى، باسەكەگە قابىلەتتىلىگىن ارتتىرۋدى جانە وڭىردە الەۋمەتتىك شيەلەنىستىڭ تۋىنداماۋىن قامتاماسىز ەتۋگە مۇمكىندىك بەرەتىنى دە جازىلعان.
قۇجات 3 قاراشاعا دەيىن قوعام بولىپ تالقىلاۋ ءۇشىن اشىق نقا سايتىندا جاريالاندى.