پوليسيا قىزمەتكەرلەرى قالالىق قوعامدىق كولىكتە جۇرگەن ەكى قالتا ۇرىسىن ۇستادى، دەپ حابارلايدى Almaty-akshamy.kz Polisia.kz-كە سىلتەمە جاساپ.
«46 جاستاعى ح. ەسىمدى ازامات پەن ونىڭ قۇرداسى ي.ەسىمدى ازامات قالالىق قوعامدىق كولىكتە قالتا ۇرلىعىمەن اينالىسقان. ولار نەگىزىنەن الاتاۋ اۋدانىنىڭ اۋماعىندا ۇرلىق جاساپ جۇرگەن. قاسكويلەر جولاۋشىنىڭ ۇيالى تەلەفونىن ۇرلاعان كەزدە، ياعني قىلمىس ورنىندا جەدەل ۋاكىلدەرمەن ۇستالدى. ءموبيلدى قۇرىلعى الىنىپ، زاتتاي ايعاق رەتىندە ءىس ماتەريالدارىنا تىركەلدى. قازىرگى ۋاقىتتا سوتقا دەيىنگى تەرگەۋ امالدارى جۇرگىزىلۋدە. كۇدىكتىلەر قاماۋعا الىندى. سونىمەن قاتار ءبىز قالا بويىنشا باسقا دا وسىعان ۇقساس قىلمىستاردى جاساۋعا شەتەلدىكتەردىڭ قاتىسى بار-جوعىن انىقتايمىز. اتالعان دەرەك بويىنشا قىلمىستىق ءىس سوتقا دەيىنگى تەرگەۋدىڭ ءبىرىڭعاي تىزىلىمىنە تىركەلدى»، – دەدى الماتى قالالىق پد كريمينالدىق پوليسيا باسقارماسىنىڭ باستىعى قۋاتبەك ناۋتوۆ.