قازاق قىزى ازيانىڭ ءبىرىنشى راكەتكاسى اتاندى

14 جاستاعى البينا كاكەنوۆا سارى قۇرلىق تىزىمىندە كوش باستادى. 

ازيا تەننيس فەدەراسياسى 14 جاسقا دەيىنگى ويىنشىلاردىڭ رەيتينگىن جاڭارتتى، دەپ حابارلايدى Almaty-akshamy.kz Almaty.tv سىلتەمە جاساپ. 

14 جاستاعى البينا كاكەنوۆا سارى قۇرلىق تىزىمىندە كوش باستادى. قازاق تەننيسشىسىنىڭ ەنشىسىندە 2722 ۇپاي بار. ازيانىڭ ەڭ ۇزدىك وندىعىندا ەۆا كورىشيەۆا ءۇشىنشى، اريانا گوگۋلينا التىنشى، ساتيما تورەگەن جەتىنشى جانە يانا شتودا ونىنشى ورىندارعا ورنالاستى. وسىلايشا، 14 جاسقا دەيىنگى قىزدار اراسىنداعى ازيا رەيتينگىنىڭ توپ-10 قاتارىنا قازاقستاننىڭ بەس ويىنشىسى كىردى. 

وسى رەيتينگ جاريالانباس بۇرىن قازاقستاننىڭ جاسوسىپىرىمدەر كومانداسى 14 جاسقا دەيىنگى ازيا چەمپيوناتىن جەڭىپ العان بولاتىن. 

تەننيستەن تايلاندتا 14 جاسقا دەيىنگى ويىنشىلار اراسىندا وتكەن ازيا چەمپيوناتىندا جەكەلەي سىندا التىن جۇلدەنى اريانا گوگۋلينا مەن البينا كاكەنوۆا يەلەندى.

كوماندالىق ەسەپتە كاپيتان ۆلاديمير چەستنوۆ باستاعان قازاقستان قۇراماسى تاماشا ناتيجە كورسەتىپ، ءبىرىنشى ورىنعا يە بولدى. البينا كاكەنوۆا (جاتتىقتىرۋشىسى –  مارات شاريپوۆ)، اريانا گوگۋلينا (جاتتىقتىرۋشىسى –  مۋكام ەرماكوۆ)، ارسەنيي ترەبۋحين (جاتتىقتىرۋشىسى - رۋسلان ابدۋلاتىپوۆ)، ولجاس ەسەنالى (جاتتىقتىرۋشىسى - ۆلاديمير چەستنوۆ) كومانداعا جەڭىس الىپ كەلدى.