قامبار اتا گەس-1 قىرعىزستانداعى ەڭ ءىرى ەلەكتر ستانسياسى بولماق.
2023 جىلعى 6 قاڭتاردا بىشكەك قالاسىندا ق ر ەنەرگەتيكا ءمينيسترى بولات اقشولاقوۆ، قىرعىز رەسپۋبليكاسىنىڭ ەنەرگەتيكا ءمينيسترى تاالايبەك يبرايەۆ جانە وزبەكستان رەسپۋبليكاسىنىڭ ەنەرگەتيكا ءمينيسترى جۋرابەك ميرزاماحمۋدوۆ «قامبار اتا گەس-1 قۇرىلىسى» جوباسىن ىسكە اسىرۋ جونىندەگى جول كارتاسىنا قول قويدى، دەپ حابارلايدى Almaty-akshamy.kz.
قول قويىلعان جول كارتاسى شەڭبەرىندە تاراپتار جوبانى ىسكە اسىرۋدىڭ نەگىزگى شارتتارى تۋرالى ۋاعدالاستى جانە ەلەكتر ستانسياسىن ۋاقتىلى پايدالانۋعا بەرۋ ءۇشىن الداعى قادامداردى بەلگىلەدى.
قازاقستاننىڭ جوباعا قاتىسۋى قازاقستان رەسپۋبليكاسىنىڭ پرەزيدەنتى قاسىم-جومارت توقايەۆتىڭ 2022 جىلعى مامىردا قىرعىزستانعا رەسمي ساپارى بارىسىندا قول جەتكىزىلگەن ۋاعدالاستىقتار شەڭبەرىندە جۇزەگە اسىرىلادى.
قامبار اتا گەس-1 قىرعىزستانداعى ەڭ ءىرى ەلەكتر ستانسياسى بولماق. بۇل ورتالىق ازيا ەلدەرىن ەلەكتر ەنەرگياسىمەن قامتاماسىز ەتۋگە جانە ءوڭىردىڭ سۋمەن قامتاماسىز ەتىلۋىن تۇراقتاندىرۋعا مۇمكىندىك بەرەدى.