قازاقستان قۇراماسىنىڭ ويىنشىلارى اسحات تاعىبەرگەن مەن اسلان دارابايەۆ دانياعا قارسى ماچ كەزىندە ورازانى قالاي ۇستاعانىن ايتىپ بەردى.
بۇل تۋرالى جارتىلاي قورعاۋشىلار "دنك فۋتبولا" باعدارلاماسىندا ايتتى. اسحات تاعىبەرگەننىڭ سوزىنشە، قۇراماداعى جىگىتتەردىڭ باسىم بولىگى ورازا ۇستاعان، دەپ حابارلايدى Almaty-akshamy.kz.
الايدا دانيامەن بولاتىن ويىن الدىندا اسحات تاعىبەرگەن، باقتيەر زاينۋتدينوۆ، ابزال بەيسەبەكوۆ اۋزىن اشىپ جىبەرگەن. ويتكەنى ولار ماچتى نەگىزگى قۇرامنان باستادى. ال اسلان دارابايەۆ ويىن كەزىندە اۋزى بەرىك بولعانىن جەتكىزدى.
"دانيامەن ويىننىڭ 44-مينۋتىندا جىگىتتەرمەن وتىرىپ، اۋزىمىزدى اشتىق. جەتى ادام بولدىق"، - دەدى جارتىلاي قورعاۋشى.
ايتا كەتەيىك، ماگومەد ادييەۆ جاتتىقتىراتىن قازاقستان قۇراماسى ناۋرىزدا ەۋرو-2024 ىرىكتەۋ كەزەڭى اياسىندا ەكى ويىن وتكىزدى. الدىمەن وتاندىق فۋتبولشىلار سلوۆەنياعا (1:2) ەسە جىبەرسە، ەكىنشى تۋردا دانيادان (3:2) باسىم ءتۇسىپ، سەنساسيا جاسادى.