تۇركيا پرەزيدەنتى رەجەپ تايىپ ەردوعان مەن ونىڭ ايەلى ەلدە شىعارىلعان TOGG ەلەكتروموبيلىنىڭ العاشقى يەلەرى اتاندى
TOGG T10X، C كلاستى كروسسوۆەر انكاراداعى پرەزيدەنت سارايىندا وتكەن سالتاناتتى شارادا كونۆەيەردەن جاڭا شىققان، ەكى ءتۇستى – قىزىل جانە قويۋ كوك تۇستە ۇسىنىلدى. قىزىل ءتۇس تۇركيانىڭ ءبىرىنشى حانىمى ءامينا ەردوعانعا ارنالعان، دەپ حابارلايدى Almaty-akshamy.kz Astanatv.kz-كە سىلتەمە جاساپ.
تۇركيا پرەزيدەنتى "اناتولۋ" دەپ اتالاتىن قىزىل كولىكتى باسقاردى. الايدا الداعى ۋاقىتتا قويۋ كوك كولىكپەن جۇرەتىنىن ايتتى.
"بۇگىن ءبىز حالقىمىزدىڭ 60 جىلدىق ارمانىنىڭ ورىندالعانىنىڭ كۋاسى بولدىق. TOGG رەكوردتار جاڭارتتى جانە بۇل ءبىزدىڭ جەكە كولىگىمىز"، - دەدى ەردوعان.
2022 جىلدىڭ قازان ايىندا بۋرسا پروۆينسياسىنىڭ گەمليك قالاسىنداعى تۇرىك ەلەكتروموبيل زاۋىتى ەلەكتروموبيلدەردىڭ سەريالىق ءوندىرىسىن باستادى جانە وعان ەردوعاننىڭ ءوزى قاتىستى. بولاشاقتا بۇل زاۋىت 6 ءتۇرلى ءتۇستى ەلەكتروموبيلدەردىڭ 5 نۇسقاسىن شىعارادى.
ازىرگە ەكى مودەل شىعارىلدى. ولار: TOGG T10X SUV C كلاسىنداعى جول تالعامايتىن كولىك جانە TOGG T10S سەدان. جوباعا 13 جىل ىشىندە 3،7 ميلليارد دوللار ينۆەستيسيا سالىنادى. سونداي-اق وسى جىلدىڭ قازان ايىندا ەلەكتروموبيلدىڭ ەكىنشى نۇسقاسى – سەداننىڭ تۇساۋى كەسىلەتىنى حابارلاندى.
TOGG باس ديرەكتورى گۋرجون كاراكوش جۋرناليستەرگە جىلىنا 100 مىڭ كولىك شىعارۋدى جوسپارلاپ وتىرعاندارىن ايتتى. وندىرىستىك قۋاتتىلىق بۇل كورسەتكىشتى جىلىنا 175 000-عا جەتكىزۋگە ەسەپتەلگەن. 2030 جىلعا قاراي ءبىر جىلدا قۇراستىرىلاتىن كولىكتەر سانى جارتى ميلليونعا جەتەدى.