قازاقستان كۇرەس فەدەراسياسىنىڭ باس حاتشىسى ديماش سۇلتانوۆ ورتالىق كوممۋنيكاسيالار قىزمەتىندە وتكەن بريفينگتە استانادا وتەتىن ازيا چەمپيوناتىندا قازاقستان اتىنان شىعاتىن تاجىريبەلى بالۋانداردى اتادى، دەپ حابارلايدى اlmaty-akshamy.kz قازاقپاراتقا سىلتەمە جاساپ.
«قازاقستان بۇل چەمپيوناتقا كۇرەستىڭ ءۇش تۇرىنەن دە تولىق قۇرامدى كوماندا قوسقالى وتىر. ولاردىڭ اراسىندا حالىقارالىق ارەنادا بىرنەشە رەت ءوزىن تانىتقان اتاقتى سپورتشىلارىمىز دا بار. گرەك-ريم كۇرەسىنەن نۇرسۇلتان تۇرسىنوۆ، دەمەۋ جادىرايەۆ، المات كەبىسپايەۆتار، ەركىن كۇرەستەن الەم چەمپيوناتانىڭ قازىرگى قولا جۇلدەگەرى ازامات داۋلەتبەكوۆ، ايەلدەر اراسىندا ءجاميلا باقبەرگەنوۆا، ەلميرا سىزدىقوۆا بار. بۇلاردىڭ ءبارى – وتە تاجىريبەلى سپورتشىلار. سونداي-اق، گرەك-ريم كۇرەسىنەن ءالىمحان سىزدىقوۆ ازيا چەمپيونى اتاعىن قورعايدى. بىلتىر مونعوليادا وتكەن ازيا چەمپيوناتىندا جەڭىسكە جەتكەن بولاتىن. جالپى، بۇگىنگى تاڭدا كوماندالار كەلە باستادى. حالىقارالىق كۇرەس فەدەراسيالارىنىڭ وكىلدەرى دە كەلىپ جاتىر. بارشاڭىزدى 9 ءساۋىر كۇنى ساعات 17.00-دە وتەتىن اشىلۋ سالتاناتىنا شاقىرامىز»، - دەدى ديماش سۇلتانوۆ.
سپورت جانە دەنە شىنىقتىرۋ ىستەرى كوميتەتى ءتوراعاسىنىڭ ورىنباسارى ايگۇل بەكتەنوۆا ايەلدەر كومانداسىنىڭ ساپىندا ەلەنا شالگينانىڭ دا بىرىنشىلىكتە ب ا ق سىينايتىنىن ايتتى. ونىڭ مالىمەتى بويىنشا جارىستا قازاقستان اتىنان شىعاتىن 30 سپورتشىنىڭ ورتا جاسى مىنانداي: گرەك-ريم كۇرەسىنەن – 29 جاس، ايەلدەر كۇرەسىنەن – 25 جاس جانە ەركىن كۇرەستەن – 24 جاس.
بۇعان دەيىن بالۋانداردىڭ باپكەرلەرىنە دە سىياقى قاراستىرىلعانى تۋرالى جازعان بولاتىنبىز.