وعان ءۇش جىلعا رەسمي ويىنداردا ونەر كورسەتۋگە تىيىم سالىندى
قازاقستان قۇراماسى مەن «اقسۋ» كلۋبىنىڭ ويىنشىسى ايبول ابىكەن دوپينگ پايدالانعانى ءۇشىن ءۇش جىلعا فۋتبولدان شەتتەتىلدى، دەپ حابارلايدى Almaty-akshamy.kz Sputnik قازاقستان-عا سىلتەمە جاساپ.
فۋتبولشى ۇلتتار ليگاسى اياسىندا مولدوۆامەن بولعان ويىنعا دەيىن دوپينگ تەست تاپسىرعان. سىناما وڭ ناتيجە كورسەتتى. ارتىنان سپورتشى ب تەستىن دە تاپسىرعان. ول دا وڭ ناتيجە كورسەتتى.
وسىدان كەيىن ابىكەنگە ءۇش جىلعا رەسمي ويىنداردا ونەر كورسەتۋگە تىيىم سالىندى.
ايتا كەتەرى، وسىمەن قازاقستان قۇراماسىنىڭ ءۇشىنشى ويىنشىسى دوپينگپەن ۇستالىپ، ديسكۆاليفيسياعا ۇشىراپ وتىر. 2019 جىلى باۋىرجان يسلامحان ەكى جىلعا فۋتبولدان شەتتەتىلسە، 2021 جىلى رۋسلان ءۆاليۋلليننىڭ سىناماسى وڭ ناتيجە كورسەتتى.