تولاسسىز جاۋعان جاۋىننان بىرنەشە پروۆينسيادا سۋ تاسقىنى ءجۇردى
اۋعانستاننىڭ كابۋل، نانگارحار، حوست، پاكتيكا جانە باسقا دا پروۆينسيالاردا 400 ادام سۋ تاسقىنىنان قازا تاپتى، دەپ حابارلايدى Almaty-akshamy.kz Azattyq Ruhy-نا سىلتەمە جاساپ.
ءبىر كۇن بۇرىن حوست جانە پاكتيكا پروۆينسيالارىندا جويقىن جەر سىلكىنىسى بولىپ، كەم دەگەندە 1 000 ادام قازا تاپقان.
TOLOnews باسىلىمى رەسمي دەرەككوزدەرگە سىلتەمە جاساپ، تولاسسىز جاۋعان جاۋىننان نانگارحار، پادجشەر، حوست، پاكتيكا جانە باسقا دا پروۆينسيالاردا سۋ تاسقىنى بولعانىن حابارلادى.
اۋعانستاننىڭ تابيعي اپاتتاردىڭ سالدارىن جويۋ مينيسترلىگىنىڭ مالىمەتىنشە سۋ تاسقىنىنان 400-دەي ادام قازا بولعان.
ءبىر تاۋلىك بۇرىن ەلدە 6،1 ماگنيتۋدالى جەر سىلكىنىسىنەن پاكتيكا پروۆينسياسىنىڭ ءتورت اۋدانىندا ءبىر مىڭعا جۋىق ادام قازا تاۋىپ، 1 500 ءتۇرلى جاراقات العان.