بۇگىن يۆان دىچكو ارگەنتينالىق ەسپيندولامەن قولعاپ تۇيىستىرەدى

جەكپە-جەك ون راۋندقا جوسپارلانعان

بۇگىن تاڭەرتەڭ قازاقستاندىق بوكسشى يۆان دىچكو (11-0، 11 كو) بۋەنوس-ايرەستەگى (ارگەنتينا) بوكس كەشىندە ارگەنتينالىق بىلعارى قولعاپ شەبەرى كيەۆين ەسپيندولامەن (7-3، 2 كو) شارشى الاڭعا شىعادى، دەپ حابارلايدى Almaty-akshamy.kz قازاقپاراتقا  سىلتەمە جاساپ.

Sports.kz سايتىنىڭ مالىمەتىنشە،  ارگەنتينادا وتەتىن جەكپە-جەك الدىندا اۋىر سالماقتاعى قوس بوكسشى سالماق ولشەپ، كوز ءتۇيىستىردى. حاۆيۆەيتتەگى جەكپە-جەك ون راۋندقا جوسپارلانعان. جەكپە-جەكتىڭ تىكەلەي ەفيرىدەگى كورسەتىلىمى نۇر-سۇلتان ۋاقىتى بويىنشا ساعات 07:00-دەن كەيىن باستالادى.

ايتا كەتەيىك، يۆان دىچكو ءوزىنىڭ بۇدان بۇرىنعى جەكپە-جەگىن جەلتوقسان ايىندا وتكىزگەن بولاتىن. ول رەسەيلىك 45 جاستاعى الەكساندر ۋستينوۆپەن (36-6-1، 27 كو) ب ا ق سىناسىپ، ءبىرىنشى راۋندتا تەحنيكالىق نوكاۋتپەن جەڭگەن. كيەۆين ەسپيندولا وسى جىلدىڭ ءساۋىر ايىندا رينگكە شىعىپ، تورەشىلەردىڭ ءبىراۋىزدان شەشىمىمەن جەرلەسى ناۋەل پالاسيوستادان (1-7، 0 كو) باسىم تۇسكەن، بۇل جەكپە-جەك ءتورت راۋندقا ەسەپتەلگەن.

ەسپيندولا ءوزىنىڭ بارلىق جەكپە-جەكتەرىن ءوز وتانىندا، ارگەنتينادا وتكىزەدى جانە ەشقاشان جەڭىلمەگەن قارسىلاستارمەن شەبەرلىك سىناسقان ەمەس.