استانادا ءوتىپ جاتقان V دۇنيەجۇزىلىك كوشپەندىلەر ويىندارىندا توعىزقۇمالاق سايىسى اياقتالدى، دەپ حابارلايدى aqshamnews.kz.
بۇل جارىستا كولۋمبيا، فرانسيا، گەرمانيا، اقش، جۇڭگو، لاتۆيا، افريكا جانە اراب ەلدەرى سىندى 41 مەملەكەتتەن كەلگەن 114 قاتىسۋشى شەبەرلىكتەرىن سىنعا سالدى.
توعىزقۇمالاق سايىسىنا قازاقستاننان 4 سپورتشى قاتىستى. ينتەللەكتۋالدى جارىس ناتيجەسى بويىنشا ۇلتتىق قۇرامانىڭ قورجىنىنا 4 مەدال ءتۇستى.
بەكسۇلتان بوستاندىقوۆ ەرلەر اراسىندا چەمپيون اتانسا، ەرسۇلتان اۋەلباي ءۇشىنشى ورىندى يەلەندى. ال ايەلدەر اراسىندا ءمولدىر سەرىك قىزى وزىق شىعىپ، اڭساعان قازانعاپ كۇمىس جۇلدەگە قول جەتكىزدى.
جالپى كوماندالىق ەسەپتە قازاقستاندىق سپورتشىلارى ءبىرىنشى ورىن الدى.
ەسكە سالا كەتەيىك، دۇنيەجۇزىلىك كوشپەندىلەر ويىندارى ەكى جىل سايىن ۇيىمداستىرىلادى. بيىلعى ويىنداردىڭ ۇرانى - “ۇلى دالاداعى كەزدەسۋ”. الەمنىڭ 89 مەملەكەتىنەن كەلگەن ەكى مىڭنان اسا سپورتشى 21 سپورت تۇرىنەن سىنعا ءتۇسىپ جاتىر.