ءقازىر مۇندا 185 ملن تەكشە مەتر سۋ بار.
بۇگىنگى تاڭدا شارۋالاردىڭ سۇرانىسى بويىنشا سۋ قويماسىنان سەكۋندىنا 86 تەكشە مەتر سۋ جىبەرىلۋدە، دەپ حابارلايدى aqshamnews.kz.
تومەنگە تاستالعان سۋ ۇلكەن الماتى كانالى ارقىلى تالعار جانە ەڭبەكشىقازاق اۋداندارىنىڭ 85 مىڭ گەكتاردان استام جەرىن سۋارۋعا پايدالانىلادى. سۋارۋ ماۋسىمى باستالعالى بارتوعاي سۋ قويماسىنان ديحاندارعا 625 ملن تەكشە مەتر سۋ جىبەرىلدى.
«بيىل سۋ جاقسى، مول كەلدى. ءالى دە كەلىپ جاتىر. ءبىر كۇندە سەكۋندىنا 195 تەكشە مەتردەن سۋ كەلگەن فاكتىلەر تىركەلدى. ءۇش كۇندە عانا سۋدىڭ ورتاشا دەڭگەيى 1،5 مەترگە كوتەرىلدى»،- دەيدى بارتوعاي سۋ قويماسىنىڭ قىزمەتكەرى ءسابيت ورىنبايەۆ.