2024 جىلدىڭ باسىنان باستاپ الماتى قالاسى بويىنشا ساۋدا جانە تۇتىنۋشىلاردىڭ قۇقىقتارىن قورعاۋ دەپارتامەنتى تۇرعىنداردىڭ قۇقىقتارىنىڭ بۇزىلۋىنا بايلانىستى 6000-عا جۋىق وتىنىشتەرىن قارادى. بۇل تۋرالى ۆەدومستۆو قىزمەتىنىڭ قورىتىندىلارىنا ارنالعان وكق بريفينگىندە بەلگىلى بولدى، دەپ حابارلايدى aqshamnews.kz.
وتىنىشتەردى قاراۋ قورىتىندىسى بويىنشا 40 جوسپاردان تىس تەكسەرۋ جۇرگىزىلدى، ناتيجەسىندە تۇتىنۋشىلارعا 303 239 531 تەڭگە قايتارىلدى. دەپارتامەنت، سونىمەن قاتار، زاڭ بۇزۋشىلارعا 168 اكىمشىلىك جازا تاعايىندادى.
دەپارتامەنت باسشىسىنىڭ ورىنباسارى نۇرلان ابدييەۆ ەڭ كوپ تاراعان زاڭ بۇزۋشىلىقتار تۇتىنۋشىلاردىڭ تالاپتارىنا ۋاقتىلى جاۋاپ بەرمەۋ، سونداي-اق الەۋمەتتىك ماڭىزى بار ازىق-تۇلىك تاۋارلارىنا زاڭنامادا بەلگىلەنگەن ساۋدا ۇستەمەسىن بۇزۋ بولىپ تابىلاتىنىن ايتتى.
«دەپارتامەنت جۇمىسىنىڭ ماڭىزدى باعىتى ساۋدا جانە تۇتىنۋشىلاردىڭ قۇقىقتارىن قورعاۋ سالاسىنداعى زاڭناما نورمالارىن ساقتاۋ بويىنشا ءىس-شارالار كەشەنىن جۇرگىزۋ بولىپ تابىلادى. كەلىپ تۇسەتىن وتىنىشتەردىڭ نەگىزگى ۇلەسى بولشەك ساۋدا جانە ەلەكتروندىق ساۋدا سالاسىنا قاتىستى، ونى دەپارتامەنت جۇيەلى تۇردە قارايدى»، - دەپ اتاپ ءوتتى ن. ابدييەۆ.
تۇتىنۋشىلار كوبىنەسە تۇرمىستىق قىزمەت كورسەتۋ سالاسىندا ساپاسىز قىزمەت الادى. دەپارتامەنت تۇتىنۋشىلارمەن ءتۇسىندىرۋ جۇمىستارىن جۇرگىزەدى، وتىنىشتەر جاساۋعا قۇقىقتىق كومەك كورسەتەدى جانە ودان ارى سوتتارعا ءۇشىنشى تۇلعالار رەتىندە قاتىسۋدى ۇسىنادى.
سونداي-اق دەپارتامەنت الماتى قالاسىنىڭ قوعامدىق ۇيىمدارىمەن الماتى قالاسى ازاماتتارىنىڭ تۇتىنۋشىلاردىڭ قۇقىقتارىن قورعاۋ سالاسىندا بىرلەسكەن جۇمىس جۇرگىزۋدە.
«دەرەكتەردى تالداۋ ناتيجەسى تۇتىنۋشىلىق قۇقىقتىق مادەنيەتتىڭ ارتۋى تۋرالى دا، جوسىقسىز كاسىپكەرلىك قىزمەتتىڭ ءوسۋى تۋرالى دا كورسەتتى. «ساپالى ءونىم» الەۋمەتتىك جوباسى اياسىندا الماتى قالاسىنىڭ قوعامدىق ۇيىمدارى ازىق - تۇلىك قاۋىپسىزدىگى ساپاسىنىڭ سايكەستىگىن انىقتاۋ ءۇشىن شەتەلدىك وندىرۋشىلەردىڭ 66-عا جۋىق ءونىم اتاۋىن ساتىپ الىپ، تاماق ونىمدەرىن سىناۋ زەرتحاناسىنا ساراپتاما جۇرگىزۋگە جىبەرىلدى»، - دەپ ءبولىستى سپيكەر.
ناتيجەسىندە 24 بيزنەس سۋبەكتىسى اكىمشىلىك جاۋاپكەرشىلىككە تارتىلدى.
سونداي-اق، 2024 جىلدىڭ 8 ايىنىڭ قورىتىندىسى بويىنشا باعا بەلگىلەۋگە جانە تۇتىنۋشىلاردىڭ قۇقىقتارىن قورعاۋعا قاتىستى جوسىقسىز قىزمەت بەلگىلەندى. بۇل فاكتىلەر جويىلدى، ناتيجەسىندە 396 اكىمشىلىك حاتتاما تولتىرىلدى.