قاڭتارمەن سالىستىرعاندا 22،2%-عا تومەندەگەن.
قازاقستاندىق ماماندار اقپان ايىندا جۇمىس ىزدەۋشىلەر سانى ازايعانىن ايتىپ وتىر، دەپ حابارلايدى Almaty-akshamy.kz.
«ەڭبەك رەسۋرستارىن دامىتۋ ورتالىعى» اق دەرەكتەرى بويىنشا، 2022 جىلعى اقپاندا ەلەكتروندىق ەڭبەك بيرجاسىندا 72،3 مىڭ بوس جۇمىس ورنى جانە 54،6 مىڭ تۇيىندەمە ورنالاستىرىلعان. ماسەلەن، اقپان ايىندا بوس ورىندار سانى 5،9%-عا ءوستى، ال جاريالانعان تۇيىندەمەلەر سانى 2022 جىلعى قاڭتارمەن سالىستىرعاندا 22،2%-عا تومەندەدى»،- دەلىنگەن ەڭبەكمينى باسپا ءسوز قىزمەتىنىڭ حابارلاماسىندا.
ەگەر اعىمداعى جىلدىڭ قاڭتارىندا ىزدەنۋشىلەر ورنالاستىرعان تۇيىندەمەلەردىڭ سانى بوس ورىندار سانىنان 1،9 مىڭعا اسىپ كەتسە، اقپان ايىندا بوس ورىندار مەن جۇمىس ىزدەپ جۇرگەن ادامدار اراسىنداعى الشاقتىق بوس ورىندار پايداسىنا 17،7 مىڭدى قۇرادى. وتكەن ايمەن سالىستىرعاندا ەەب-داعى بوس ورىندار سانى 4 مىڭعا ءوستى، ال تۇيىندەمە 15،6 مىڭعا ازايدى.
اقپان ايىندا وڭىرلىك تالداۋ تەك بەس وڭىردە ەەب-تە بوس ورىندار سانىنىڭ تومەندەگەنىن كورسەتەدى – شىمكەنت قالاسىندا (-37% نەمەسە 1،3 مىڭ بوس جۇمىس ورىنعا)، جامبىل وبلىسىندا (-14% نەمەسە 400 بوس جۇمىس ورىنعا)، نۇر-سۇلتان ق. (-13،7% نەمەسە 1،3 مىڭ بوس جۇمىس ورنى)، قىزىلوردا (-12،3% نەمەسە 200 بوس جۇمىس ورىنعا) جانە اقتوبە (-6،5% نەمەسە 180 بوس جۇمىس ورىنعا) وبلىستارىندا. سۇرانىستىڭ ەڭ جوعارى ءوسىمى ماڭعىستاۋ (+56،4% نەمەسە 1 مىڭ بوس جۇمىس ورنى)، پاۆلودار (+36% نەمەسە 1،3 مىڭ بوس جۇمىس ورنى) وبلىستارىندا، الماتى قالاسىندا (+32،4% نەمەسە 1،8 مىڭ بوس جۇمىس ورنى) جانە اقمولا وبلىسىندا (+23،4% نەمەسە 500 بوس جۇمىس ورنى) بايقالدى.
ىزدەنۋشىلەر تاراپىنان بەلسەندىلىكتىڭ ەڭ كوپ تومەندەۋى الماتى قالاسىندا (-3،3 مىڭ نەمەسە -49،4%)، قىزىلوردا وبلىسىندا (-3،3 مىڭ نەمەسە -47%)، جامبىل وبلىسىندا (-2،4 مىڭ نەمەسە -42%) جانە شىمكەنت قالاسىندا (-2 مىڭ نەمەسە -42%) بايقالدى.
«بۇل رەتتە بىلىكتىلىگى جوك ەڭبەك رەسۋرستارىنا سۇرانىس قاتتى وزگەرىستەرگە ۇشىراعان جوق، ال ۇسىنىس وتكەن ايمەن سالىستىرعاندا 33%-عا قىسقاردى. بىلىكتى كادرلارعا سۇرانىستىڭ ەڭ كوپ ءوسۋى اۆتوموبيلدەر مەن اۆتوبۋستاردىڭ جۇرگىزۋشىلەرىنە، بۋىپ-تۇيۋشىلەرگە، تەحنولوگيالىق قوندىرعىلاردى جوندەۋ جونىندەگى سلەسارلارعا جانە تەحنولوگيالىق جابدىقتاردى مونتاجداۋشىلارعا بايقالدى. ال وتكەن ايمەن سالىستىرعاندا بوس جۇمىس ورىندارى شەت ءتىلى مۇعالىمدەرى، تاس قالاۋشىلار، call-ورتالىق وپەراتورلارى جانە قۇرىلىستاعى ەلەكترشىلەر ءۇشىن از ورنالاستىرىلدى»، – دەدى ەردو باسقارۋشى ديرەكتورى الەكساندرا مولچانوۆسكايا.