قازاقستاندىق سەمسەرشىلەر ازيا چەمپيوناتىنىڭ فينالىنا شىقتى، دەپ حابارلايدى Aqshamnews.kz ءتىلشىسى.
يندونەزيانىڭ بالي ارالىندا ءوتىپ جاتقان سەمسەرلەسۋدەن ازيا چەمپيوناتىندا قازاقستاندىق ەرلەر قۇراماسى فينالعا جولداما الدى. ۇلتتىق قۇراما ساپىندا ەلمير ءالىمجانوۆ، ۆاديم شارلايموۆ، ەرلىك سەرتاي جانە رۋسلان قۇربانوۆ ەل نامىسىن قورعاپ جاتىر.
جارىستىڭ پلەي-وفف كەزەڭىندە وتانداستارىمىز 1/8 فينالدا تۇرىكمەنستان قۇراماسىن 45:21 ەسەبىمەن ويسىراتا جەڭدى. شيرەك فينالدا سينگاپۋر سپورتشىلارىن 43:31 ەسەبىمەن ۇتىپ، جارتىلاي فينالدا جۇڭگو كومانداسىن 45:24 ەسەبىمەن سەنىمدى تۇردە جەڭىپ شىقتى.
قازاقستان قۇراماسى ەندى التىن جۇلدە ءۇشىن جاپونيامەن سىنعا تۇسەدى. فينالدىق كەزدەسۋ 21 ماۋسىمعا جوسپارلانعان.