اسەم ورىنباي – ازيا ويىندارىنىڭ قولا جۇلدەگەرى
قىتايدىڭ حانچجوۋ قالاسىندا ءوتىپ جاتقان ءحىح جازعى ازيا ويىندارىندا قازاقستان دەلەگاسياسىنىڭ قورجىنىنا كەزەكتى مەدال ءتۇستى، دەپ حابارلايدى ق ر تۋريزم جانە سپورت مينيسترلىگى سپورتتى دامىتۋ ديرەكسياسىنىڭ باسپا ءسوز قىزمەتى.
ستەند اتۋدىڭ سكيت باعدارلاماسىندا وتانداسىمىز اسەم ورىنباي قولا جۇلدەگە يە بولدى. ول فينالدا 45 مارتە نىسانانى ءدال كوزدەدى. التىن مەن كۇمىس مەدال جۇڭگو قۇراماسى سپورتشىلارىنىڭ ەنشىسىندە كەتتى. تاعى ءبىر ۇلتتىق قۇراما مەرگەنى ولگا پانارينا اقتىق سىندا 4-ورىن الدى (34 ۇپاي).
ايتا كەتەيىك، بۇل اسەمنىڭ وسى ازياداداعى ەكىنشى مەدالى. ول بۇگىن كوماندالىق سىندا ارىپتەسى زويا كراۆچەنكو جانە ولگا پانارينامەن بىرگە چەمپيون اتانعان.