سەۋلگە جۇمىس ساپارى اياسىندا الماتى اكىمى ەربولات دوسايەۆ Seegene مەديسينالىق قورىنىڭ (SMF) جانە Open Healthcare Inc كومپانياسىنىڭ ءتوراعاسى چحون چونگيمەن كەزدەسۋ وتكىزدى. SMF-وڭتۇستىك كورەيانىڭ مەديسينالىق دياگنوستيكا جانە زەرتحانالىق زەرتتەۋلەر سالاسىنداعى كوشباسشى.
تالقىلاۋدىڭ ماڭىزدى قورىتىندىسى الماتىنىڭ ورتالىق ازياداعى SMF وڭىرلىك حابى بولىپ بەلگىلەنۋى تۋرالى ۇسىنىس بولدى. وڭتۇستىك كورەيا كومپانياسى الماتىنىڭ مەديسينا سالاسىنا شامامەن $30 ملن ينۆەستيسيا سالۋعا نيەتتى. اتاپ ايتقاندا، جاڭا كلينيكا سالۋ، كلينيكالىق زەرتحانالاردى جاڭعىرتۋ، العاشقى مەديسينالىق-سانيتارلىق كومەك دەڭگەيىندە ەمحانا مەن مەديسينالىق زەرتتەۋ ورتالىعىن باسقارۋ ادىستەمەسىنە دەنساۋلىق ساقتاۋدىڭ كورەي مودەلىن زەردەلەۋ جانە ەنگىزۋ، سونداي-اق تىركەۋ دەرەكتەرىن وڭدەۋ ءراسىمىن وڭتايلاندىرۋ، ءوزىن-وزى دياگنوستيكالاۋ قۇرىلعىلارى مەن تەلەمەديسينانى دامىتۋ بويىنشا بىرلەسكەن جوبالاردى ىسكە اسىرۋ پەرسپەكتيۆالارى قارالدى.
«بۇگىندە بۇكىل الەمدە دەنساۋلىق ساقتاۋ بىرتىندەپ ەمدەۋ ۇلگىسىنەن دياگنوستيكاعا كوشۋدە. بۇل اۋرۋلارمەن كۇرەستە، ازاماتتاردىڭ دەنساۋلىعىن قورعاۋدا ءتيىمدى جول. پاندەميا كورسەتكەندەي، الەم جاڭا سىن - تەگەۋرىندەردىڭ الدىندا تۇر: مەديسينالىق ورتالىقتاردى زاماناۋي زەرتحانالارمەن جابدىقتاۋعا جانە زەرتتەۋلەر جۇرگىزۋگە نازار اۋداراتىن ەلدەر عانا باسەكەگە قابىلەتتى بولادى»، - دەدى ەربولات دوسايەۆ.
الماتى اكىمى چحون چونگي مەن ونىڭ ارىپتەستەرىنە پاندەميا كەزىندە الماتى تۇرعىندارىنا كورسەتكەن كومەگى جانە COVID-19 جاساعان دياگنوستيكاسى ءۇشىن العىسىن ءبىلدىردى.
SMF ءتوراعاسى چحون چانگي ءوز كەزەگىندە Seegene دياگنوستيكالىق تەستىلەۋى پاندەميا كەزىندە وڭ ناتيجە بەرگەنىن اتاپ ءوتتى. مەديسينالىق كونسەرننىڭ جوعارى ءتيىمدى تەحنولوگياسى ساپالى ءارى جاپپاي تالداۋ جۇرگىزۋگە مۇمكىندىك بەردى: وڭتۇستىك كورەياداعى كوروناۆيرۋستىق سىناقتاردىڭ 50%-ىن جانە سەۋلدەگى سىناقتاردىڭ 60%- دان استامىن ءبىر مەكەمە-Seegene مەديسينالىق قورى وڭدەدى. SMF جۇمىسىنىڭ ارقاسىندا وڭتۇستىك كورەياداعى دۇنيەجۇزىلىك پاندەميا كەزىندەگى ءولىم دەڭگەيى باسقا ەلدەرمەن سالىستىرعاندا ەڭ تومەن دەپ تانىلدى.