2024 جىلدىڭ 27 قىركۇيەگىندە قازاقستاننىڭ قورعانىس مينيسترلىگى مەرزىمدى اسكەري قىزمەتتى جويۋ تۋرالى ماسەلە بويىنشا مالىمدەمە جاسادى.
مينيسترلىك وكىلدەرىنىڭ ايتۋىنشا، ق ر كونستيتۋسياسىنىڭ 36-بابىنا سايكەس، "قازاقستان رەسپۋبليكاسىن قورعاۋ – ءاربىر ازاماتتىڭ قاسيەتتى پارىزى جانە مىندەتى". قورعانىس مينيسترلىگى مەرزىمدى اسكەري قىزمەتتى جويۋ مەملەكەتتىڭ جالپى قاۋىپسىزدىگىنە قاتەر ءتوندىرىپ، سىرتقى قاۋىپ-قاتەرلەرگە قارسى تۇرۋ مۇمكىندىگىن تومەندەتىپ، ەلىمىزدە بەيبىتشىلىك پەن تۇراقتىلىقتى قامتاماسىز ەتە المايدى دەپ ەسكەرتەدى، دەپ حابارلايدى aqshamnews.kz.
اكىمشىلىك پروسەستىك-پروسەدۋرالىق كودەكستىڭ 90-1-بابىنا سايكەس، پەتيسيالاردىڭ تاقىرىبىنا قورعانىس ماسەلەلەرى ەنگىزىلمەيدى. بۇل باستاما مەملەكەتتىڭ قورعانىس قابىلەتىنە نۇقسان كەلتىرۋى مۇمكىن ەكەنىن اتاپ ءوتتى.
قورعانىس مينيسترلىگىنىڭ مالىمدەمەسىنە سايكەس، قازاقستاندا باسىمدىق كەلىسىمشارت نەگىزىندەگى قىزمەتكە بەرىلىپ، 70%-دىق ۇلەس سولارعا، ال 30%-دىق ۇلەس مەرزىمدى قىزمەتكە بولىنەدى.
"ەلىمىزدىڭ جاۋىنگەرلىك الەۋەتى نەگىزىنەن كەلىسىمشارت نەگىزىندە قىزمەت ەتەتىن اسكەري قىزمەتكەرلەر ارقىلى قامتاماسىز ەتىلەدى. دەگەنمەن، قالعان 30%-دى مەرزىمدى قىزمەتتەگى ساربازدار قۇرايدى. مەرزىمدى قىزمەتتەگى ساربازدار ءوز قىزمەت كەزەڭىندە اسكەري دايىندىقتىڭ نەگىزگى داعدىلارىن مەڭگەرىپ، جاۋىنگەرلىك جاعدايدا ارەكەت ەتۋدى، اتۋ، اسكەري تەحنيكانى جۇرگىزۋدى ۇيرەنەدى، سونداي-اق فيزيكالىق جانە مورالدىق جاعىنان شىڭدالادى. قىزمەتىن اياقتاعاننان كەيىن ولار اسكەري دايىندىقتان وتكەن رەزەرۆ رەتىندە ەسەپتە تۇرادى جانە مەرزىمدى تۇردە قايتا دايارلاۋ كۋرستارىنان ءوتىپ، بىلىكتىلىگىن ارتتىرىپ وتىرادى"، – دەلىنگەن قورعانىس مينيسترلىگىنىڭ باسپا ءسوز حابارلاماسىندا.