2024 جىلدىڭ 2 قازانىندا ەكىنشى كۇن تۇتىلۋى كۇتىلۋدە، بۇل قۇبىلىس ساقينا ءتارىزدى كۇن تۇتىلۋى رەتىندە بەلگىلى.
بۇل ەرەكشە استرونوميالىق قۇبىلىس وڭتۇستىك امەريكانىڭ وڭتۇستىگىندە، سونداي-اق تىنىق مۇحيتىنىڭ ورتالىق جانە وڭتۇستىك-شىعىس بولىكتەرىندە كورىنەتىن بولادى، دەپ حابارلايدى aqshamnews.kz.
ماسكەۋ پلانەتارييىنىڭ مالىمەتى بويىنشا، ساقينا ءتارىزدى كۇن تۇتىلۋى كەزىندە اي جەردەن الىس بولعاندىقتان، ونىڭ بۇرىشتىق مولشەرى كۇننىڭ مولشەرىنەن كىشى بولادى. سوندىقتان اي كۇننىڭ بەتىن تولىق جاپپاي، ونىڭ اينالاسىندا جارقىن ساقينا كورىنەدى. بۇل قۇبىلىستى ساقينا ءتارىزدى كۇن تۇتىلۋى دەپ اتايدى.
ساقينا ءتارىزدى كۇن تۇتىلۋى چيلي مەن ارگەنتينانىڭ وڭتۇستىگىندە بايقالادى. ال سولتۇستىك امەريكانىڭ وڭتۇستىگىندە، وڭتۇستىك امەريكانىڭ كوپ بولىگىندە، تىنىق جانە اتلانت مۇحيتتارىندا، سونداي-اق انتاركتيدادا ءىشىنارا كۇن تۇتىلۋى كورىنەدى.
بۇل استرونوميالىق قۇبىلىس جالعىز ەمەس. قازان ايىندا كۇن تۇتىلۋىنان كەيىن ەكى جۇلدىز اعىپ، جارقىن كومەتا پەريگەيى جانە جىلدىڭ ەڭ ۇلكەن اي تولۋى سياقتى وقيعالار ورىن الادى.