ينتەرنەت الاياقتىق.
الاياقتار KASE قازاقستان قور بيرجاسىنىڭ جالعان ۆەب-سايتىن جاساپ، بروكەرلەردىڭ اتىنان اقشالارىن ءتيىمدى ينۆەستيسيالاۋدى ۇسىنىپ جاتىر، دەپ حابارلايدى Almaty-akshamy.kz Egemen.kz-كە سىلتەمە جاساپ.
KASE باسپا ءسوز قىزمەتىنىڭ مالىمەتىنشە، ولار ءوز جارنالامالارىندا KASE لوگوتيپىن نەمەسە KASE قىزمەتكەرلەرىنىڭ فوتوسۋرەتتەرىن پايدالانىپ، جالعان سايتتار قۇرادى. جاقىندا جەلىدە پايدا بولعان جالعان سايت: http://kasekz2022.tilda.ws
«بيرجا ازاماتتاردى قىراعى بولۋعا جانە قاسكۇنەمدەردىڭ قۋلىقتارىنا تۇسپەۋگە شاقىرادى. KASE رەسمي تۇردە بيرجانىڭ نەمەسە ونىڭ قىزمەتكەرلەرىنىڭ تىكەلەي قاتىسۋىمەن بيرجالىق نارىقتاردا باعالى قاعازداردى نەمەسە باسقا اكتيۆتەردى ساتىپ الۋ ءۇشىن جەكە نەمەسە زاڭدى تۇلعالارعا ەشقاشان ءوز قىزمەتتەرىن ۇسىنبايتىنىن مالىمدەيدى»، - دەلىنگەن حابارلامادا.
ۆەدومستۆو مالىمەتىنشە، KASE ساۋدا-ساتتىقتى ۇيىمداستىرۋشى بولىپ سانالادى جانە تەك قارجى ۇيىمدارىمەن (بانكتەرمەن جانە بروكەرلىك ۇيىمدارمەن) تىكەلەي ءوزارا ءىس-قيمىل جاسايدى، ولارعا بيرجانىڭ ساۋدا-ساتتىق جۇيەسىنە قوسىلۋعا، وتىنىمدەر بەرۋگە جانە مامىلەلەر جاساۋعا مۇمكىندىك بەرەدى. بيرجانىڭ ساۋدا-ساتتىق جۇيەسىنە تىكەلەي قوسىلا الاتىن جانە وندا مامىلەلەر جاساي الاتىن ۇيىمدار - بيرجانىڭ مۇشەلەرى.
«بروكەرلىك ۇيىمدارمەن بايلانىستا بولعان كەزدە اباي بولىڭىز. ولار جەكە ينۆەستورلارعا قىزمەت كورسەتەدى جانە جەكە كليەنتتەردىڭ اتىنان بيرجانىڭ ساۋدا-ساتتىق جۇيەسىندە وپەراسيالار جاساي الاتىن بروكەرلىك ۇيىمدار. بۇل جاعدايدا الاياقتار كوبىنەسە وسىنداي ۇيىمداردىڭ اتىنان ارەكەت ەتەدى»، - دەپ تولىقتىرىلعان حابارلاما.