الماتى قالاسىنىڭ اكىمى ينفراقۇرىلىمدى دامىتۋ جانە كورىكتەندىرۋ جوبالارىنىڭ ىسكە اسۋ بارىسىمەن تانىستى، دەپ حابارلايدى aqshamnews.kz
الماتىنىڭ سيمۆولى سانالاتىن نىساننىڭ ساۋلەتتىك كەلبەتى ساقتالدى. ىرگەلەس اۋماقتى كورىكتەندىرۋ 2026 جىلعا جوسپارلانىپ وتىر.
"قازاقستان" قوناق ءۇيى عيماراتىن اۋقىمدى قايتا جاڭعىرتۋ جۇمىستارى تولىقتاي اياقتالدى. قوعامدىق ايماقتار مەن نومەرلىك قور زاماناۋي جايلىلىق پەن سەرۆيس ستاندارتتارىنا ساي جاڭارتىلدى.
1800-دەن استام زاماناۋي جارىق شامدارى "قازاقستان" قوناق ءۇيى عيماراتىنىڭ نىساننىڭ تانىمال ساۋلەتىن ايقىنداپ، كەشكى جانە تۇنگى ۋاقىتتا وعان ايرىقشا كورىنىس بەردى. جاڭا جارىق عيماراتتىڭ ۆيزۋالدى تارتىمدىلىعىن ارتتىرىپ وتىر.
سونداي-اق شوقان ءۋاليحانوۆ اتىنداعى سكۆەردىڭ قازىرگى جاي-كۇيى تەكسەرىلدى. قوعامدىق كەڭىستىكتەردى دامىتۋدا تۇرعىندار مەن قالا قوناقتارى ءۇشىن قولايلىلىق، قاۋىپسىزدىك جانە تارتىمدىلىق باستى باسىمدىق بولىپ قالا بەرەدى.
سونىمەن قاتار تاريحي كونتەكستى ەسكەرۋ جانە ساپالى كۇتىمدى قامتاماسىز ەتۋ ماڭىزدى. بارلىق جۇمىستا قۇرىلىستىڭ ساۋلەتتىك كەلبەتىن ساقتاۋ تالاپتارى قاتاڭ ساقتالا وتىرىپ، تابيعي جانە ساندىك تاستار قولدانىلىپ وتىر.