كەلىسىم بويىنشا مىندەتتەمەلەر
وپەك+ ەلدەرى قازان ايىندا مۇناي ءوندىرىسىن ازايتادى. مۇنداي شەشىم بۇگىن بەينەكونفەرەنسيا فورماتىندا وتكەن وپەك+ كەلىسىمىنە قاتىسۋشى ەلدەردىڭ مينيسترلىك وتىرىسىندا قابىلداندى، دەپ حابارلايدى Almaty-akshamy.kz.
وتىرىسقا قازاقستان اتىنان ەنەرگەتيكا ۆيسە-مينيسترى اسەت ماعاۋوۆ قاتىستى.
ونلاين-كەزدەسۋدە تامىز ايىندا ەلدەردىڭ كەلىسىم بويىنشا مىندەتتەمەلەرىن ورىنداۋى تالقىلاندى.
ءمالىم ەتىلگەندەي، قازان ايىندا مۇناي ءوندىرىسىن تامىز ايىنداعى كورسەتكىشكە قايتارۋ شەشىمى قابىلداندى.
«وتىرىس قورىتىندىسى بويىنشا تاۋلىگىنە 0،1 ملن باررەلگە ۇلعايتۋ تەك قىركۇيەك ايى ءۇشىن عانا بولعانىن ەسكەرە وتىرىپ، قازان ايىنداعى ءوندىرۋ دەڭگەيىن تامىز ايىنداعى دەڭگەيدە قالدىرۋ تۋرالى شەشىم قابىلداندى. قازاقستاننىڭ قازان ايىنداعى مىندەتتەمەلەرى تاۋلىگىنە 1،706 ملن باررەلدى قۇرايدى»، - دەلىنگەن ق ر ەنەرگەتيكا مينيسترلىگى باسپا ءسوز قىزمەتىنىڭ مالىمەتىندە.