«مەملەكەتتىك ءتىل جانە ب ا ق» رەسپۋبليكالىق بايقاۋىنىڭ جەڭىمپازدارى انىقتالدى

153 ماتەريال ۇسىنىلعان

بۇگىن «مەملەكەتتىك ءتىل جانە ب ا ق» رەسپۋبليكالىق بايقاۋىنىڭ جەڭىمپازدارى مارپاتتالدى، دەپ حابارلايدى دەپ حابارلايدى Almaty-akshamy.kz.
بيىل كونكۋرسقا 75 قاتىسۋشى 153 ماتەريال ۇسىنعان. سولاردىڭ ىشىنەن ارنايى كوميسسيانىڭ شەشىمىنە سايكەس، باس جۇلدەنى جامبىل وبلىستىق «ار-اي» جاستار گازەتىنىڭ ءتىلشىسى ءابدىر شاپاعات جەڭىپ الدى. وعان 1 ملن تەڭگەنىڭ سەرتيفيكاتى تابىس ەتىلدى.
ال «ۇزدىك ماقالا» نوميناسياسى بويىنشا ءى ورىن رەسپۋبليكالىق «جاس الاش» قوعامدىق-ساياسي گازەتىنىڭ ءتىلشىسى بيفات ەلتايەۆاعا، ءىى ورىن «Egemen Qazaqstan» گازەتىنىڭ اعا ءتىلشىسى ايدانا شوتبايقىزىنا، ءىىى ورىن «تولەبي تۋى» قوعامدىق-ساياسي گازەتى رەداكسياسىنىڭ ءبولىم مەڭگەرۋشىسى تولەگەن احمەتوۆكە بۇيىردى.
سونىمەن قوسا، «ۇزدىك تەلە جانە راديوباعدارلاما» نوميناسياسى بويىنشا ءى ورىندى «جەتىسۋ راديوسىنىڭ» باس رەداكتورى مۇحيت توقتاسىن جەڭىپ الدى. بۇل اتالىمدا ءىى ورىندى قازاق راديوسىنىڭ شولۋشى رەداكتورى شاكىم جانبولات جانە ءىىى ورىندى «Qyzylorda» تەلەارناسىنىڭ شەف-رەداكتورى تولقىن قابىلشا ەنشىلەدى.
«ۇزدىك سايت» نوميناسياسىندا رەسپۋبليكالىق «ايقىن» گازەتىنىڭ ءتىلشىسى قارقىن كوكتەم جەڭىمپاز اتاندى. ءىى ورىن حالىقارالىق «تۇركىستان» گازەتىنىڭ شتاتتان تىس ءتىلشىسى احمەر ءبىرجانعا، ءىىى ورىن قازاقستان ۇلتتىق قۇراماسىنىڭ باسپا ءسوز حاتشىسى ەرمۇحامەد ماۋلەنگە بۇيىردى.
بايقاۋ جۇلدەگەرلەرى اقشالاي سىياقىمەن ماراپاتتالدى. ايتا كەتەيىك، بايقاۋ عىلىم جانە جوعارى ءبىلىم مينيسترلىگىنىڭ ءتىل ساياساتى كوميتەتى جانە ش.شاياحمەتوۆ اتىنداعى «ءتىل-قازىنا» ۇلتتىق عىلىمي-پراكتيكالىق ورتالىعىمەن بىرلەسە ۇيىمداستىرىلعان.