قانتقا قوسىمشا قاجەتتىلىك شامامەن 45 مىڭ توننانى قۇرايدى.
اۋىل شارۋاشىلىعى ءمينيسترى ەربول قاراشوكەيەۆتىڭ ايتۋىنشا، ءاربىر قانت زاۋىتىنا لوگيستيكاعا بايلانىستى جەكەلەگەن وڭىرلەردى قامتۋ بەكىتىلمەك، دەپ حابارلايدى Almaty-akshamy.kz
«قانتقا قوسىمشا قاجەتتىلىك شامامەن 45 مىڭ توننانى قۇرايدى، قاجەتتى كولەمدەردى ساتىپ الۋ ماسەلەسى پىسىقتالىپ جاتىر. بۇل رەتتە، ءاربىر قانت زاۋىتىنا لوگيستيكاعا بايلانىستى جەكەلەگەن وڭىرلەردى بەكىتۋ ۇسىنىلادى. سونداي-اق، مەملەكەت باسشىسىنىڭ تاپسىرماسىنا سايكەس، اكك-نىڭ تۇراقتاندىرۋ قورلارىنا بەلگىلەنگەن باعامەن قانتتىڭ قاجەتتى كولەمىن كەپىلدى ساتىپ الۋ ءۇشىن زاۋىتتارمەن فورۆاردتىق كەلىسىمشارتتاردى بەكىتۋ ماسەلەسى قاراستىرىلىپ جاتىر»، – دەدى ۆەدومستۆو باسشىسى.
قازىرگى ۋاقىتتا مينيسترلىك 126 مىڭ توننا قانت پەن قۇراق قانت شيكىزاتىن باجسىز اكەلۋگە كۆوتا بەردى.
«كۆوتانىڭ قالعان بولىگىنە (124 مىڭ توننا) وتىنىمدەر قابىلداۋدى جۇزەگە اسىرىپ جاتىر، قانت ەكسپورتىنا تىيىم سالۋدى ەنگىزۋگە باستاما جاسالدى، باجسىز قانتتى اكەلۋدى كۆوتالاۋ جونىندەگى نقا-عا وزگەرىستەر ەنگىزىلۋدە (حالىققا تىكەلەي ساتۋ مۇمكىندىگى). بۇل رەتتە قانتتى اكەلۋگە رۇقسات بەرۋ ءتارتىبىن ەنگىزۋ، باعا بەلگىلەۋدىڭ بۇكىل تىزبەگى بويىنشا اق قانت پەن شيكى قانتتى يمپورتتاۋعا جانە وتكىزۋگە قوسىلعان قۇن سالىعىن نولگە كەلتىرۋ، سونداي-اق زاۋىتتاردى تولىق جۇكتەۋ ءۇشىن ەگىس الاڭدارى مەن قانت قىزىلشاسىنىڭ جالپى كولەمىن ۇلعايتۋ ۇسىنىلادى»، – دەپ اتاپ ءوتتى مينيستر.