ءانشى بۇل ماراپاتتى ميۋا اجەسىنە ارنايتىنىن ايتتى.
ديماش قۇدايبەرگەن بىرىككەن اراب امىرلىكتەرىنىڭ دۋباي قالاسىندا وتكەن EMIGALA Fashion Awards ءسان شاراسىندا ماراپات الدى، دەپ حابارلايدى Almaty-akshamy.kz Dimashnews.com cىلتەمە جاساپ.
Burj Al Arab وتەلىندە وتكەن EMIGALA Fashion Awards ءسان شاراسىندا ديماش Emigala international Award ماراپاتىنا يە بولدى.
بۇل سىيلىق ءۇش نەگىزگى يدەياعا باعىتتالعان. ءبىرىنشىسى – ادام كەلبەتىنىڭ مىنەزبەن، مادەنيەتپەن ۇيلەسىمى. ەكىنشىسى – ۇلتتىق ناقىشتاعى ساندىك وبراز ارقىلى ءوز-وزىن ايقىنداۋ. ءۇشىنشىسى – ءار ادامنىڭ ىشكى «مەنىن» اشۋ.
ديماش قۇدايبەرگەن قىزىل كىلەمگە اجەلەرى ميۋا مەن بيبىگۇلدى، EMIGALA Fashion Awards ءسان شاراسىنىڭ ديرەكتورى دوكتور ميشەل داحەردى ەرتىپ شىقتى.
«حالىقارالىق دەڭگەيدەگى ءانشى رەتىندە ديماشقا Emigala international Award ماراپاتى تابىستالدى. ول بۇل ماراپاتتى بالا كەزىندە ءوزىن مۋزىكاعا باۋلىعانى ءۇشىن ميۋا اجەسىنە ارنايتىنىن ايتتى»، - دەپ جازادى Dimashnews.
