قازاقستان قاي ەلدەرگە ءجيى اقشا جىبەرەدى؟

گرۋزيا، قىرعىزستان، رەسەي، تۇركيا، وزبەكستان العاشقى بەستىككە كىرەدى.

ۇلتتىق بانك ءبىزدىڭ ەلدەن قاي ەلدەرگە ءجيى اقشا جىبەرىلەتىنىن ايتتى، دەپ حابارلايدى Almaty-akshamy.kz

الىنعان ترانسفەرتتەر بويىنشا 5 ەلدىڭ كوش باسىندا وڭتۇستىك كورەيا تۇردى، ودان كەيىن اقش، وزبەكستان، قىرعىزستان، ەڭ سوڭىندا رەسەي رەيتينگتى جاپتى.

ۇلتتىق بانكتىڭ مالىمەتىنشە، 2022 جىلى حالىقارالىق اقشا اۋدارۋ جۇيەلەرى (حااج) ارقىلى جۇزەگە اسىرىلعان اقشا اۋدارىمدارىنىڭ جالپى كولەمى - 1،8 ترلن تەڭگە. 2021 جىلمەن سالىستىرعاندا وپەراسيالاردىڭ 32،7% وسكەنى بايقالادى.

"ترانزاكسيالاردىڭ نەگىزگى ۇلەسى، ياعني 94،7%-ى - قازاقستان مەن باسقا ەلدەر اراسىنداعى ترانسشەكارالىق اقشا اۋدارىمدارى. 2022 جىلعا شەتەلگە جىبەرىلگەن جانە شەتەلدەن الىنعان اقشا اۋدارىمدارىنىڭ ورتاشا سوماسى شامامەن بىردەي: سايكەسىنشە 415 مىڭ تەڭگە جانە 413 مىڭ تەڭگە"، دەلىنگەن قۇب باسپا ءسوز قىزمەتى تاراتقان اقپاراتتا.

بۇل رەتتە قازاقستاننان شەتەلگە جىبەرىلگەن اقشا اۋدارىمدارى سوماسى 2،4%-عا ءبىرشاما وسە تۇسكەن تۇستا حااج ارقىلى باسقا ەلدەردەن الىنعان اقشالاي اۋدارىمداردىڭ كولەمى ايتارلىقتاي (2،4 ەسە) وسكەنى بايقالادى.

"2022 جىلى حااج ارقىلى الىنعان اقشا اۋدارىمدارىنىڭ ءوسۋى رەسەيدەن (6،8 ەسەگە)، قىرعىزستاننان (ءوسىم 2،8 ەسەگە) جانە اقش-تان (33% ءوسىم) اقشا اۋدارىمدارى كولەمىنىڭ ۇلعايۋىمەن بايلانىستى بولدى"، - دەلىنگەن قۇب باسپا ءسوز قىزمەتىنىڭ مالىمەتىندە.

سونىمەن قاتار 2022 جىلى قازاقستاندا اقشا اۋدارىمدارىنىڭ كولەمى 34،6% وسكەنى حابارلاندى. حااج ارقىلى ءبىر جەرگىلىكتى اقشا اۋدارىمىنىڭ ورتاشا سوماسى 178،8 مىڭ تەڭگە بولدى. بۇل 2021 جىلدىڭ سايكەس كورسەتكىشىنەن 58،0% ارتىق.