ءقازىر قايتا جوندەۋ بويىنشا 17 جوبا جۇزەگە اسىرىلىپ جاتىر.
ق ر يندۋستريا جانە ينفراقۇرىلىمدىق دامۋ مينيسترلىگى اۆتوموبيل جولدارى كوميتەتى ءتوراعاسىنىڭ ورىنباسارى امانگەلدى بەكوۆ جوندەلەتىن جولدار تۋرالى ايتتى، دەپ حابارلايدى اlmaty-akshamy.kz Azattyq Ruhy-نا سىلتەمە جاساپ.
«بيىل قۇرىلىس-مونتاجداۋ جۇمىستارى جالپى پايدالانىمداعى 11 مىڭ شاقىرىمنان استام اۆتوجولدا جۇرگىزىلىپ جاتىر (رەسپۋبليكالىق جەلىنىڭ 7 مىڭ شاقىرىمى جانە جەرگىلىكتى جەلىنىڭ 4 مىڭ شاقىرىمى). رەسپۋبليكالىق جەلى بويىنشا 3،6 مىڭ شاقىرىمدا قۇرىلىس جانە رەكونسترۋكسيا جۇمىستارى جالعاسادى، سونىڭ 856 شاقىرىمىن اياقتايمىز. كۇردەلى جانە ورتاشا جوندەۋمەن 3،4 مىڭ شاقىرىم جول قامتىلادى»، - دەدى امانگەلدى بەكوۆ ورتالىق كوممۋنيكاسيالار قىزمەتىندە وتكەن بريفينگتە.
ول اتاعانداي، جەرگىلىكتى اۆتوجولدار جەلىسىندە جوندەۋدىڭ بارلىق تۇرىمەن 4 مىڭ شاقىرىم جول قامتىلماق، سونىڭ 3 مىڭ شاقىرىمى اياقتالادى.
«جىل قورىتىندىسى بويىنشا نورماتيۆتىك جاعدايداعى جولدىڭ ۇلەسى رەسپۋبليكالىق جەلى بويىنشا 92%-عا جانە جەرگىلىكتى جەلى بويىنشا 87%-عا دەيىن جەتكىزىلەدى. رەكونسترۋكسيالاۋ بويىنشا جۇمىستار 17 جوبادا جۇرگىزىلۋدە، ولاردىڭ اياسىندا 2024 جىلعا دەيىن ىسكە اسىرۋ مەرزىمىمەن 3،6 مىڭ شاقىرىم جول قامتىلاتىن بولادى»، - دەدى ا.بەكوۆ.