قاسىم-جومارت توقايەۆقا تابىس تىلەدى.
قازاقستان پرەزيدەنتى قاسىم-جومارت توقايەۆتى وزبەكستان جانە قىرعىزستان باسشىلارى كەزەكتەن تىس وتكەن پرەزيدەنت سايلاۋىنداعى ايقىن جەڭىسىمەن قۇتتىقتادى، دەپ حابارلايدى Almaty-akshamy.kz اقوردانىڭ باسپا ءسوز قىزمەتىنە سىلتەمە جاساپ.
قازاقستان جانە وزبەكستان پرەزيدەنتتەرى ەكى ەلدىڭ ستراتەگيالىق سەرىكتەستىگى مەن وداقتاستىعىنىڭ قازىرگى جاعدايىن جانە دامۋ پەرسپەكتيۆالارىن تالقىلادى. سونداي-اق الداعى كەزدەسۋلەردىڭ كەستەسىن قاراستىردى.
مەملەكەت باسشىسى قاسىم-جومارت توقايەۆ قۇتتىقتاعانى ءۇشىن قىرعىزستان پرەزيدەنتى سادىر جاپاروۆقا ريزاشىلىعىن ءبىلدىرىپ، ەكى ەل اراسىنداعى كوپجاقتى قارىم-قاتىناستى ودان ءارى نىعايتا بەرەتىنىنە نيەتتى ەكەنىن جەتكىزدى.
اڭگىمەلەسۋ بارىسىندا تاراپتار قازاق-قىرعىز ستراتەگيالىق سەرىكتەستىگى مەن وداقتاستىعى قارقىندى دامىپ كەلە جاتقانىن اتاپ ءوتتى.