سونىڭ ارقاسىندا 2 مىڭ تۇراقتى جۇمىس ورنى پايدا بولادى.
2021 جىلى وڭىرلەردە ماشينا جاساۋ سالاسىمەن بايلانىسى بار 14 جوبانى ىسكە قوسۋ جوسپارلانعان، دەپ حابارلايدى Almaty-akshamy.kz
قازاقستان ماشينا جاساۋشىلارىنىڭ ءىح فورۋمىندا ق ر يندۋستريا جانە ينفراقۇرىلىمدىق دامۋ ۆيسە-مينيسترى مارات قارابايەۆ وسىلاي دەپ مالىمدەدى.
«ەلىمىزدە ەلەكتروتەحنيكالىق ماشينا جاساۋ سەكتورى قولعا الىنعان اتاپ وتكەن ءجون. 7 ايدىڭ قورىتىندىسى بويىنشا، بۇل سەكتورداعى ءوسىم 28%-دى، ءوندىرىس كولەمى 130 ملرد تەڭگەنى قۇرادى. ءوندىرىستىڭ وسۋىنە «قاينار-اكب» ج ش س، «كازسەنترەلەكتروپروۆود» ج ش س سياقتى ءىرى ويىنشىلاردىڭ ءوندىرىس كولەمىن ارتتىرۋى اسەر ەتتى. اتاپ ايتقاندا، اككۋمۋلياتور ءوندىرىسى وتكەن جىلدىڭ سايكەس كەزەڭىمەن سالىستىرعاندا 3 ەسەگە ءوستى. ونىمدەر ارمەنيا، بەلارۋس، قىرعىزستان، رەسەي، ازەربايجان، تاجىكستان، وزبەكستان، ۋكراينا، گرۋزيا جانە يتالياعا ەكسپورتتالدى»، - دەدى ءمينيستردىڭ ورىنباسارى.
ۆيسە-مينيستر تەمىر جول ماشيناسىن جاساۋ بويىنشا 7 ايدا ءوندىرىس كولەمى 150 ملرد تەڭگە بولعانىن ايتادى. بۇل بىلتىرعى كەزەڭنىڭ كورسەتكىشىنەن 50% جوعارى كورىنەدى. ال اۋىل شارۋاشىلىعى ماشيناسىن جاساۋ بويىنشا 7 ايدا ءوندىرىس كولەمى 3 ەسە ءوسىپ، شامامەن 86 ملرد تەڭگە بولعان.
«تاۋ-كەن جانە مۇناي-گاز ماشينا جاساۋ كاسىپورىندارى نەگىزىنەن جۇيە قۇرۋشى، مۇناي سەرۆيستىك كومپانيالار مەن جەر قويناۋىن پايدالانۋشىلاردىڭ قاجەتتىلىكتەرىن قامتاماسىز ەتۋگە باعىتتالعان. 7 ايدىڭ قورىتىندىسى بويىنشا، ەكى سەكتوردا دا جيىنتىق ءوندىرىس كولەمى 2020 جىلدىڭ سايكەس كەزەڭىمەن سالىستىرعاندا 11% ءوسىپ، 51 ملرد تەڭگەنى قۇرادى. 2021 جىلى وڭىرلەردە 2 مىڭ جاڭا جۇمىس ورنىن اشاتىن، قۇنى 79،6 ملرد تەڭگە بولاتىن 14 جوبانى ىسكە قوسۋدى جوسپارلاپ وتىر»، - دەدى مارات قارابايەۆ.